Փող տուր, մի ծառայիր․ Փաշինյանը ապառազմականացնո՞ւմ է Հայաստանը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Միլիոնների դիմաց բանակից ազատվելը, որը շրջանառության մեջ են դրել այս իշխանությունները, այլ մեկնաբանություն չունի, քան Հայաստանի ապառազմանացումը, որը Բաքվի հերթական պահանջն է։ Մեկ անգամ չէ, որ այս մասին խոսել են Ալիևն ու Էրդողանը։ Հիշեք Սահմանադրության փոփոխությունը։ Հենց այդ 2-ը խոսել են երկրի Մայր օրենքի փոփոխության մասին, խոսույթը շրջանառության մեջ է դրվել Հայաստանում»,-MediaHub-ի հետ զրույցում ասում է Պաշտպանության բանակի պահեստազորի սպա Սամվել Իշխանյանը։ 

Խորհրդարանը շարունակում է քննարկել ՔՊ-ական պատգամավոր Հայկ Սարգսյանի նախագիծը, որով առաջարկվում է ՀՀ քաղաքացիներին՝ 2 տարվա ծառայության փոխարել, հայրենիքին պարտքը տալ 1 կամ 4 ամիս՝ ըստ գրպանում եղած հնարավորության։ 

«Ունևորների զավակները պարզ է, չէ՞, որ չեն ծառայի: Այսինքն, ՔՊ-ական պատգամավորի առաջարկած նախագիծը կնպաստի արտագաղթին»,- համոզված է մեր զրուցակիցը։ 

Հիշեցնենք, որ այս իշխանությունների առաջարկով՝ մեկ ամիս ծառայել ցանկացողները պետությանը պետք է վճարեն 24 միլիոն դրամ, 4 ամսվա դեպքում՝ 18 միլիոն դրամ։ 

«Լավ, եթե սա Բաքվի առաջարկը չէ, ապա ո՞վ է պաշտպանելու հայրենիքի սահմանները։ Փոխարենը բանակում ծառայելը խրախուսվի, արվում է հակառակը։ Տպավորություն չլինի, որ մենք դեմ ենք խաղաղությանը, բայց ինձ համար, որպես երկարամյա ծառայողի, սպայի, ավելի կարևոր է արժանապատվությունը։ Հիշեք, մի քանի տարի հետո մարդուժի խիստ կարիք է լինելու հայկական ԶՈՒ-ում, այդ ժամանակ Նիկոլ Փաշինյանը մեղադրելու է ժողովրդին, թե՝ «չեք ուզում ծառայեք, դրա համար Ադրբեջանն ինչ կուզի կտանք» տրամաբանությամբ։ Այդպես էր նաև 44-օրյա պատերազմը, երբ նույն մարդը շրջանառության մեջ դրեց դասալիքների թեզը՝ «պարտվել ենք, որովհետև չենք կռվել» արդարացումներով»,- հավելեց Իշխանյանը։

Հունան Թադևոսյան