American Airlines-ի ինքնաթիռը աղավնիների ներթափանցման պատճառով խառնաշփոթի մեջ է հայտնվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Անսովոր միջադեպ է տեղի ունեցել Delta 2348 չվերթի ինքնաթիռում, որը Մինեապոլիսից դեպի Վիսկոնսին նահանգ Մեդիսոն կանոնավոր չվերթ էր իրականացնում։ Ուղևոր Թոմ Քոուի նկարահանած և ABC News-ի տրամադրած տեսանյութում երևում է, թե ինչպես է մի տղամարդ իր բաճկոնով փորձում աղավնի բռնել։

Դելտան հետագայում ներողություն է խնդրել խափանումների համար։ Երեքշաբթի ABC News-ին տված հայտարարության մեջ ավիաընկերությունը հաստատել է, որ թռիչքը ուշացել է 56 րոպեով և հայտարարել է, որ «գնահատում է անձնակազմի և ուղևորների զգույշ գործողությունները՝ մեկնումից առաջ երկու թռչուններին ինքնաթիռից անվտանգ հեռացնելու համար, և ներողություն է խնդրում ուղևորներից՝ թռիչքի ուշացման համար»։

Քոուն առաջին անգամ Instagram-ում տարածել է միջադեպի կադրերն ու մանրամասները։

«Երբ այսօր երեկոյան նստում էի Delta 2348 չվերթի ինքնաթիռը MSP-ում, պատահաբար լսեցի, թե ինչպես մեկ այլ ուղևոր ասաց բորտուղեկցորդուհուն, որ ինքնաթիռում աղավնի կա, -գրել է նա լուսանկարի մակագրության մեջ։ - Օդաչուն մոտեցավ միկրոֆոնին և հաստատեց, որ ինքնաթիռում աղավնի կա և ասաց, որ ինքը նման իրավիճակում փորձ չունի։ Բեռնակիրները բարձրացան օդանավ և աղավնուն տարան։ Մարդիկ ծափահարեցին։ Երիտասարդ աղջիկը հարցրեց, թե կարելի՞ է նրան շոյել։

Բայց հորոսապատումը դրանով չի ավարտվել։

Քոուն պատմել է, որ երբ ինքնաթիռը սկսել է մոտենալ թռիչքուղուն, իր ներկայության մասին հայտարարել է երկրորդ աղավնին։

«Ահա իմ տեսանյութը, որտեղ նա թռչում է սրահով մեկ, -շարունակել է նա։ - Նրան բռնեցին, և մենք վերադարձանք նստեցման մուտքի մոտ։ Օդաչուն հայտնեց, որ երբ ռադիոյով դիսպետչերական աշտարակին հայտնել է, որ մենք վերադառնում ենք աղավնու պատճառով, մի տղա ասաց, որ դա իր կյանքում առաջին դեպքն է։ Օդաչուն նրան պատասխանեց, որ իսկ իր կյանում դա երկրորդ դեպքն է՝ առաջինը կես ժամ առաջ էր։

Ըստ Քոուի՝ երկրորդ թռչունը նույնպես ողջառողջ դուրս է բերվել օդանավից։

Airbus A220-ը, որը տեղափոխում էր 119 ուղևոր և անձնակազմի հինգ անդամ, թռիչք է կատարել Մինեապոլիս-Սեյնթ Փոլ միջազգային օդանավակայանից և վայրէջք կատարել Մեդիսոնի Դեյն շրջանի տարածաշրջանային օդանավակայանում, հայտնել է FlightAware.com-ը։

Իսկ թե ինչպես են աղավնիները հայտնվել օդանավում, տեղեկություններ չկան։

Հետևեք մեզ՝ այստեղ