Իտալական կինոն՝ երաժշտության լեզվով. Հայաստանի պետական կամերային նվագախումբը ներկայացրել է իտալական երաժշտության երեկո

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հայաստանի պետական կամերային նվագախումբը և ՀՀ-ում Իտալիայի Հանրապետության դեսպանությունը մայիսի 26-ին Արամ Խաչատրյան համերգասրահում ներկայացրել են «Իտալական երաժշտությունը ֆիլմերում» համերգային ծրագիրը։

Համերգի ընթացքում հնչել են սաունդթրեքեր համաշխարհային ճանաչում ունեցող ֆիլմերից, ինչպիսիք են՝ The Godfather, Romeo and Juliet, The Wolf of Wall street, The Talented Mr. Ripley, The taming of the Scoundrel, Once upon a time in America, Cinema Paradiso, La vita è bella, Once upon a time in West, The Mission, ինչպես նաև հայտնի երաժշտական ստեղծագործություններ, որոնք հեղինակել են իտալացի նշանավոր կոմպոզիտորներ և երգահաններ՝ Ennio Morricone, Nino Rota, Giacomo Puccini, Renato Carosone և այլք։

Համերգին մասնակցել են Հայաստանի պետական կամերային նվագախումբը՝ ընդլայնված կազմով,  Երևանի պետական կամերային երգչախումբը, գեղարվեստական ղեկավար և խմբավար՝ Քրիստինա Ոսկանյան, ինչպես նաև Ձայնի պահպանման վոկալ–երգչախմբային մասնագիտական դպրոցը։

Երեկոյի ընթացքում ծրագիրն իրենց կատարումներով ամբողջացրել են մենակատարները՝ Տիգրան Մելքոնյան (տենոր), Սոֆիա Թումանյան (մեցցո-սոպրանո), Արման Վարդանյան (բարիտոն), Ալբերտ Նավասարդյան (սաքսոֆոն), Աստղիկ Վարդանյան (ջութակ), Նունե Արզումանյան (դաշնամուր), Վարդան Գաբոյան (էլեկտրո կիթառ), և Վահագն Վարդանյան (մելոդիկա, օկարինա, բլոկ ֆլեյտա, էլեկտրո դաշնամուր)։

Համերգը ղեկավարել է «Միջերկրածովյան Սան Ֆրանչեսկո դի Պաոլա»  երիտասարդական նվագախմբի հիմնադիր և գեղարվեստական ղեկավար, «Օրֆեո Ստիլո» երաժշտական ասոցիացիայի և Սան Ֆրանչեսկո դի Պաոլա միջազգային օպերայի մրցույթի գեղարվեստական խորհրդատու՝ Ալֆրեդո Ստիլոն։ 

 

Հետևեք մեզ՝ այստեղ