Նոր մանրամասներ՝ Երևանի կենտրոնում խոշոր վթարից

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժնի հատկապես կարևոր գործերով ավագ քննիչ Վարդան Բաբաջանյանի կողմից նախաձեռնված քրեական վարույթի շրջանակում որոշ հանգամանքներ են պարզվել մայիսի 24-ին Երևանի կենտրոնում Պուշկին և Տերյան փողոցների խաչմերուկում «Infiniti» և «Kia Forte» մակնիշի ավտոմեքենաների մասնակցությամբ տեղի ունեցած վթարից: 
 
Ինչպես հայտնում է ֆոտոլրագրող Գագիկ Շամշյանը, պարզվել է, որ «Kia Forte» մակնիշի ավտոմեքենայի վարորդը եղել է սթափ, «Infiniti»-ի վարորդը ոչ միայն եղել է ոչ սթափ (խմած), այլ նաև ամիսներ առաջ Երևանում նրա մասնակցությամբ ավտովթար-վրաերթ էր տեղի ունեցել, որը քննվում է նույն քննչական բաժնում:

Գլխիվայր շրջված «Kia Forte» ավտոմեքենայի մոտ դրսում հայտնաբերված կասկածելի փաթեթները, որը իրավապահները նմանեցրել էին թմրանյութի, փորձաքննությամբ հերքվել է, որ այն թմրանյութ է, այլ եղել է տպագրության մեջ օգտագործվող ինչ-որ քիմիական նյութ:

Գ. Շամշյանի տեղեկություններով՝ իրավապահները հսկայական աշխատանքի արդյունքում հայտնաբերել են նաև տեսախցիկի արձանագրած տեսանյութեր, որով երևում է, որ այդ կասկածելի փաթեթները մինչև վթարի պահն են ընկած եղել ճանապարհին: 
 
Ինչպես ավելի վաղ դեպքի վայրից հայտնել էր ֆոտոլրագրողը, մայիսի 24-ին խոշոր ավտովթար էր տեղի ունեցել Երևանում։ Ժամը 06։30-ի սահմաններում Պուշկին և Տերյան փողոցների խաչմերուկում, դեռևս անհայտ հանգամանքներում, բախվել էին «Infiniti» և «Kia Forte» մակնիշի ավտոմեքենաները։ 

Բախման հետևանքով 2 հոգի տարբեր աստիճանի մարմնական վնասվածքներով տեղափոխվել են Երևանի տարբեր հիվանդանոցներ, իսկ 1 հոգու տեղում առաջին բուժօգնություն էին ցուցաբերել Երևանի 1-03 շտապօգնության բժիշկների հերթապահ խումբը։ 

Վիրավորներին առաջինը օգնության էին հասել  «F security» անվտանգության աշխատակիցները, օպերատիվորեն ժամանած Երևանի 1-03 շտապօգնության բժիշկների հերթապահ խմբերը և օպերատիվորեն ժամանած ՀՀ ներքին գործերի նախարարության փրկարար ծառայության Երևանի 1-ին հրշեջ-փրկարարական ջոկատի փրկարարները՝ խմբի պետ Աբրահամ Ղալաչյանի գլխավորությամբ։ 

Բախման հետևանքով «Kia Forte»-ն գլխիվայր շրջվել էր և վիրավորներից մեկին ավտոմեքենայից դուրս բերելու համար փրկարարները օգտագործել էին հատուկ տեխնիկա, իսկ շտապօգնության բժիշկները վթարված ավտոմեքենայում էին առաջին բուժօգնությունը ցուցաբերել վիրավորներին։ 

Օպերատիվորեն ժամանել էին ՀՀ ՆԳՆ ոստիկանության պարեկային ծառայության Երևան քաղաքի գնդի 1-ի գումարտակի 2-րդ վաշտի պարեկները՝ գնդի հրամանատար Անդրանիկ Իսախանյանի, գումարտակի հրամանատար Գոռ Առաքելյանի, գումարտակի հրամանատարի տեղակալ Դավիթ Նիկողոսյանի և վաշտի հրամանատար Հայկ Արոյանի գլխավորությամբ։ 

Տարածքը սահմանազատել էին նույն վաշտի պարեկներ Հրայր Մկրտչյանը ու Գրիգոր Աբգարյանը։ 

Բախման հետևանքով ավտոմեքենաներից մեկը կոտրել էր խաչմերուկում տեղադրված երթևեկության ցուցանակը, երթևեկությունը կարգավորող հատուկ հայելին, իսկ «Infiniti»-ն էլ բախվել էր ծառին։ 

Վթարի մասին ՊԾ Երևան քաղաքի գնդից տեղեկությունը փոխանցել են ՀՀ քննչական կոմիտեի Երևան քաղաքի քննչական վարչության ճանապարհատրանսպորտային հանցագործությունների քննության բաժին, որտեղից ժամանել է քննչական խումբը՝ բաժնի պետի պաշտոնակատար Արթուր Ադամյանի, բաժնի պետի տեղակալ Գրիգոր Ավետիսյանի և ավագ քննիչ Գեղամ Ծառուկյանի գլխավորությամբ։ 

Ֆոտոլրագրողը հայտնել էր, «Infiniti»-ի վարորդը ենթարկվել էր սթափության փորձաքննության, եղել էր ոչ սթափ, «Kia Forte»-ի մոտ հայտնաբերվել էր թմրանյութի նմանվող կասկածելի փաթեթներ, ինչի համար էլ դեպքի վայր էին ժամանելու նաև ՀՀ քննչական կոմիտեի Երևան քաղաքի քննչական վարչության Կենտրոն և Նորք Մարաշ վարչական  շրջանների քննչական 2-րդ բաժնի քննիչները։ 

Վթարի փաստով ճանապարհատրանսպորտային հանցագործությունների քննության բաժնում փաստաթղթեր էին ձևակերպվում։ 

Քննիչի հանձնարարականով՝ ավտոմեքենաները տեղափոխվում էին ՊԾ Երևան քաղաքի գնդի պահպանվող հատուկ տարածք։ 

Ոստիկանությունը պարզում էր վարորդների և վիրավորների ինքնությունը։ 

Ֆոտոլրագրողը հայտնում է, որ ոստիկանությունն ու քննչական բաժինը պարզել էին, որ «Kia Forte»-ն վարել է Երևանի բնակիչ 24-ամյա Սարգիս Փանոսյանը, իսկ «Infiniti»-ն վարել է 25-ամյա Գագիկի Մկրտչյանը, ում բնակության վայրը պարզվում է: 

Հետևեք մեզ՝ այստեղ