Հայաստան–Իրան սահմանի իրանական անցակետում հարյուրավոր բեռնատարների հերթեր են գոյացել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արդեն մեկ ամսից ավել է Հայաստան–Իրան սահմանի իրանական հատվածում անցակետի մոտ հարյուրավոր բեռնատարների հերթեր են գոյացել. շուրջ 600 բեռնատար սպասում է Հայաստան մտնելու իր հերթին։ NEWS.am–ի հետ զրույցում բեռնատարների վարորդներից մեկը, որը չցանկացավ հրապարակել իր անունը, պատմում է, որ հաճախ ստիպված են լինում 10-15 օր սպասել իրենց հերթին։

«Բեռնատարներում հիմնականում շինարարական նյութեր են՝ ցեմենտ, երկաթ, թիղեղներ։ Բեռներում փչացող ոչինչ չկա, բայց մեր աշխատանքն արդյունավետ չէ, քշելն արդեն իմաստ չունի։ Մեր ծախսերն այնքան շատ են, ամիսը 150 հազար դրամ գումար է մնում մեզ, դրանով էլ ընտանիք չենք կարողանում պահել»,–ասաց նա։

Բեռնատարի վարորդը չգիտի, թե ինչն է նման հերթերի առաջացման պատճառը, բայց ասում է՝ Իրան–Իսրայել հակամարտության հետ կապ ունենալ չի կարող, որովհետև իրավիճակը Իրանի ու Իսրայելի միջև հարաբերությունների լարումից շատ ավելի վաղ է ստեղծվել։

Բեռնատարի վարորդի խոսքով, Իրանի քաղաքացիները արտահերթ կարողանում են հատել սահմանը, միայն հայ վարորդներն են ստիպված հերթում սպասել։

«Նրանց բեռնատարները ամսվա ընթացքում 5-6 անգամ մտնում–դուրս են գալիս, մենք հազիվ 1-2 անգամ ենք կարողանում»,–հավելեց նա։ 

Հետևեք մեզ՝ այստեղ