Ferragamo-ն եւ Porsche-ն առաջարկում են եզակի համադրություն՝ աքսեսուարներ եւ մեքենաներ՝ նույն ոճով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Porsche Italia-ի 40-ամյակը նշելու համար երկու ապրանքանիշերը ստեղծել են բացառիկ հավաքածու, որը համատեղում է իտալական նորաձևության տան շքեղ կաշվե աքսեսուարները սահմանափակ քանակությամբ թողարկված Porsche սպորտային մեքենայի հետ, որը զարդարված է հարուստ «Blusogno» կապույտ երանգով՝ ոգեշնչված Ferragamo-ի ստեղծագործական տնօրեն Մաքսիմիլիան Դևիսի կողմից ներկայացված 2023 թվականի աշնանային հավաքածուից։

Նախագծի համար մշակվել են երկու հատուկ տարբերակ՝ Porsche 911 Carrera 4 GTS և Porsche Taycan 4S։ Մեքենաները արտադրվել են գերմանական Porsche Exclusive Manufaktur արհեստանոցում՝ Ցուֆենհաուզենում, և հասանելի կլինեն բացառապես իտալական շուկայում՝ սահմանափակ քանակությամբ՝ ընդամենը 52 օրինակով։ «Blusogno» յուրօրինակ կապույտ լաքի հետ մեկտեղ, այս երանգը առկա է նաև մեքենաների սրահում՝ ներդաշնակորեն համադրված կապույտ Paldao փայտե երիզների հետ։ 

«Երբ Porsche-ն մեզ հրավիրեց մասնակցելու հոբելյանական նախագծին, գլխավոր նպատակն էր պահպանել բնօրինակի՝ որքան հնարավոր է մեծ մասը և կենտրոնանալ մանրուքների վրա։ Porsche-ն արդեն իսկ կատարյալ է։ Մենք ցանկանում էինք ստեղծել խորը և անկեղծ համագործակցություն երկու խորհրդանիշների միջև, որոնք միավորված են ընդհանուր արժեքներով՝ դիզայնով, արհեստավորությամբ, նորարարությամբ և քաջությամբ։ «Իմ հայրը՝ Սալվատորեն, հայտնի էր որպես «երազանքների կոշկակար», իսյ Porsche-ն դեռևս առաջնորդվում է երազանքներով»,-ասել է Ferragamo-ի նախագահ Լեոնարդո Ֆերրագամոն։

Իր հերթին, Porsche Italia-ի գործադիր տնօրեն Պիետրո Ինոչենտին ընդգծել է՝ «Մենք ցանկանում էինք ստեղծել ինչ-որ յուրահատուկ բան, որը կմարմնավորեր Porsche-ի 40-ամյա ոգին՝ ոճի, իտալական մշակույթի և գեղագիտության համադրություն: Ահա, թե ինչու մենք ընտրեցինք Ferragamo-ն՝ մի ապրանքանիշ, որը կիսում է մեր արժեքները՝ բացառիկ վարպետություն, անժամանակ նրբագեղություն և անթերի ուշադրություն մանրուքների նկատմամբ»:

Հետևեք մեզ՝ այստեղ