Ռուսաստանում առաջարկել են վտարել ներգաղթյալ ընտանիքներին, որոնց երեխաները դպրոց չեն հաճախում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ՌԴ Պետդումայի  «Նոր մարդիկ» խմբակցության փոխնախագահ Սարդանա Ավկսենտիևան առաջարկել է անչափահաս ներգաղթյալներին ծնողների հետ ուղարկել հայրենիք, եթե նրանք դպրոց չեն հաճախում։ Ավկսենտիևան նման առաջարկով նամակ է ուղարկել Ներքին գործերի նախարար Վլադիմիր Կոլոկոլցևին։

Ըստ պատգամավորի՝ Ռուսաստանում ապրող ներգաղթյալների բոլոր երեխաների շուրջ կեսը դպրոց չի հաճախում։ Դա, ըստ խորհրդարանականի, խոչընդոտում է ներգաղթյալների ինտեգրումը հասարակություն և միաժամանակ սոցիալական կայունության և անվտանգության համար լրացուցիչ ռիսկեր է ստեղծում։

Բացի դրանից, ներգաղթյալ երեխաների դպրոց չհաճախելը հանգեցնում է էթնիկ անկլավների ձևավորմանը և անչափահասների կատարած հանցագործությունների աճին, մինչդեռ կրթության բացակայությունը սահմանափակում է ապագա զբաղվածության հնարավորությունները և մեծացնում դեռահասների անօրինական գործունեության մեջ ներգրավվելու ռիսկը, նշվում է նամակում։

«Վերը նշվածի կապակցությամբ անհրաժեշտ եմ համարում փոփոխություններ կատարել Ռուսաստանի Դաշնության միգրացիոն օրենսդրության մեջ՝ նախատեսելով. ՌԴ տարածքում գտնվող բոլոր անչափահաս ներգաղթյալների համար ռուսական դպրոց հաճախելու պարտադիր պահանջի սահմանում, ներգաղթյալի ընտանիքի արտաքսման կանոնի ներդրում այս պարտավորության համակարգված չկատարման դեպքում, այսինքն՝ եթե երեխան առանց հարգելի պատճառի չի հաճախում ուսումնական հաստատություն», - առաջարկվում է փաստաթղթում։

Հետևեք մեզ՝ այստեղ