ԱԱԾ նորանշանակ տնօրենի կենսագրությունը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ավելի վաղ հայտնել էինք, որ Անդրանիկ Սիմոնյանը նշանակվել է ԱԱԾ տնօրեն։ Ներկայացնում ենք նրա կենսագրությունը։

Ծնվել է 1989 թվականի հոկտեմբերի 10-ին Հոկտեմբերյան քաղաքում։

2009թ. ավարտել է ՀՀ ոստիկանության ակադեմիայի իրավագիտության ֆակուլտետի բակալավրիատը։

2013թ. ավարտել է ՀՀ պետական կառավարման ակադեմիայի իրավագիտության ամբիոնի մագիստրատուրան։

2013թ. ուսումնառություն է անցել «Դատախազության դպրոց» ՊՈԱԿ-ում։

2019-2020 թթ. հանդիսացել է ՀՀ արդարադատության ակադեմիայի ունկնդիր։

2009-2012 թթ. աշխատել է ՀՀ ոստիկանության իրավաբանական վարչության իրավական փորձաքննությունների բաժնում նախ՝ որպես տեսուչ, ապա՝ ավագ տեսուչ։

2012-2013 թթ. աշխատել է ՀՀ ոստիկանության կազմակերպված հանցավորության դեմ պայքարի գլխավոր վարչության 1-ին (կոռուպցիայի և տնտեսական գործունեության դեմ ուղղված հանցագործությունների հակազդման) վարչության 3-րդ (ֆինանսավարկային համակարգում կատարվող հանցագործությունների, փողերի լվացման և ահաբեկչության ֆինանսավորման դեմ պայքարի) բաժնում օպերլիազոր։

2014-2018 թթ. աշխատել է Երևան քաղաքի Կենտրոն և Նորք-Մարաշ վարչական շրջանների դատախազության դատախազ։

2020 թվականի հունիսի 22-ի Բարձրագույն դատական խորհրդի թիվ ԲԴԽ-38-Ո-86 որոշմամբ ներկայացված առաջարկությամբ՝ ՀՀ նախագահի 2020թ. հունիսի 26-ի թիվ ՆՀ-132-Ա հրամանագրով նշանակվել է Լոռու մարզի առաջին ատյանի ընդհանուր իրավասության դատարանի դատավոր։

2021թ. մարտի 26-ի ՀՀ վարչապետի թիվ 298-Ա որոշմամբ նշանակվել է ՀՀ քննչական կոմիտեի նախագահի տեղակալ։

2021թ. մարտի  31-ի  ՀՀ նախագահի թիվ ՆՀ-55-Ա հրամանագրով նշանակվել է  ՀՀ ազգային անվտանգության ծառայության տնօրենի տեղակալ։

2024թ. հունվարի 12-ին ՀՀ նախագահի հրամանագրով ազատվել է զբաղեցրած պաշտոնից և նույն օրը ՀՀ վարչապետի թիվ 35֊Ա որոշմամբ նշանակվել է ՀՀ ազգային անվտանգության ծառայության տնօրենի տեղակալ:

2025թ. հունիսի 18-ին ՀՀ վարչապետի թիվ 517֊Ա որոշմամբ նշանակվել է ՀՀ ազգային անվտանգության ծառայության տնօրենի պարտականությունները կատարող:
Ունի գեներալ-մայորի զինվորական կոչում:

Իրավաբանական գիտությունների թեկնածու է։

Պարգևներ՝

2023թ.՝  «Հայրենիքին մատուցած ծառայությունների համար» 2֊րդ աստիճանի մեդալ:

Նշենք, որ Սիմոնյանը մի դատական գործով էլ է հայտնի, որը վերաբերում է ԲԴԽ նախկին նախագահ Ռուբեն Վարդազարյանին։

Հիշեցնենք՝ Ռուբեն Վարդազարյանը մեղադրվում է արդարադատության իրականացմանը խոչընդոտելու համար: Վերջինս, ըստ մեղադրանքի, 2019թ. հուլիսի 19-ից զբաղեցնելով ԲԴԽ նախագահի պաշտոնը, հանդիսանալով դատական իշխանության մարմնի ղեկավար աշխատող՝ միջամտել է Լոռու մարզի ընդհանուր իրավասության դատարանի դատավոր Անդրանիկ Սիմոնյանի կողմից արդարադատության իրականացմանը: Վարդազարյանի վերաբերյալ հաղորդումը ենթադրյալ դեպքից շուրջ 2 տարի անց ներկայացրել է Անդրանիկ Սիմոնյանը, որը հետո վերջինս նշանակվել է Ազգային անվտանգության ծառայության պետի տեղակալ:

Ըստ Սիմոնյանի հաղորդման՝ Վարդազարյանը «Ալավերդցի Վահագն» անունով հայտնի Վահագն Աբգարյանի գործով է իրեն դիմել: Վահագն Աբգարյանը մեղադրվում է/էր Ալավերդու բնակիչ Կամո Փիրուզյանի սպանությունը կազմակերպելու, ինչպես նաև՝ սպանության գործով իր օգտին գործողություններ կատարելու համար կաշառք տալու համար: Գործում առկա է նաև ձայնագրություն. Վարդազարյանը, ըստ մեղադրանքի, Signal հավելվածի միջոցով կապ է հաստատել Անդրանիկ Սիմոնյանի հետ և համոզելու, խնդրանքի եղանակով վերջինից պահանջել փոխել Աբգարյանի խափանման միջոցը՝ կալանավորումը։

Վարդազարյանն իրեն առաջադրված մեղադրանքը չի ընդունում։

Հետևեք մեզ՝ այստեղ