Ռուսաստանի հարձակումն Ուկրաինայում արդեն երրորդ ամիսն անընդմեջ սաստկանում է. AFP

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Ռուսական հարձակումը հունիսին սաստկացել է երրորդ ամիսն անընդմեջ և անցյալ տարվա նոյեմբերից ի վեր դարձել է խոշորագույնը, հաղորդում է Ֆրանսպրես գործակալոթյունը՝ վկակակոչելով ԱՄՆ Պատերազմի ուսումնասիրության ինստիտուտի (ISW) տվյալների վերլուծությանը։

Ըստ այդ տվյալների՝ հունիսին ռուսական բանակը զբաղեցրել է Ուկրաինայի 588 քառակուսի կիլոմետր տարածքը։ Համեմատության համար՝ մայիսին՝ 507 քառ. կմ, ապրիլին՝ 379 քառ. կմ, իսկ մարտին՝ 240 քառ. կմ։ Ձմռանը Մոսկվայի առաջխաղացման տեմպը զգալիորեն դանդաղել էր։

2022 թվականի փետրվարին սկսված պատերազմի ամբողջ ընթացքում ռուսական ուժերն ավելի մեծ առաջընթաց են ցուցաբերել միայն 2024 թվականի հոկտեմբերին (610 քառ. կմ) և նոյեմբերին (725 քառ. կմ):

Հունիսյան գրավումների երկու երրորդը տեղի է ունեցել Ուկրաինայի արևելքի Դոնեցկի մարզում, որտեղ վերջին երկու տարիների ընթացքում տեղի են ունեցել հիմնական մարտերը։ Մոսկվան այժմ ամբողջությամբ կամ մասամբ վերահսկում է Դոնեցկի մարզի մոտ երեք քառորդը, մինչդեռ մեկ տարի առաջ այդ ցուցանիշը կազմում էր 61%։

Սակայն, ըստ ISW-ի, անցած տարվա ընթացքում Ռուսաստանը զգալի առաջընթաց է գրանցել նաև Ուկրաինայի այլ մարզերում՝ ընդհանուր առմամբ մոտ 200 քառակուսի կիլոմետր։

Հունիսի 8-ին ռուսական բանակը հայտարարեց Դնեպրոպետրովսկի արդյունաբերական մարզում հարձակման մասին և ՝ երեք տարվա ներխուժումից հետո առաջին անգամ մտավ այնտեղ։ Սակայն ներկա պահին դրա վերահսկողությունը այս տարածաշրջանում սահմանափակվում է ընդամենը 8 քառակուսի կիլոմետրով։ Ուկրաինացի զինվորականներն, իրենց հերթին, հերքում են այն փաստը, որ ռուսական ուժերն ամրապնդել են իրենց դիրքերը Դնեպրոպետրովսկի մարզում։

Ռուսական բանակը միաժամանակ ամրապնդել է իր ներկայությունը Սումիի մարզի հյուսիս-արևելքում։ Ռուսական զորքերը բացակայում են այս տարածաշրջանից 2022 թվականի ապրիլից՝ արևելյան ճակատ վերատեղակայվելու պատճառով, սակայն նրանք վերադարձան այս գարնանը և 2025 թվականի սկզբից ի վեր գրավել են գրեթե 320 քառակուսի կիլոմետր տարածք, որից 130-ը՝ վերջին մեկ ամսվա ընթացքում։

Ընդհանուր առմամբ, վերջին 12 ամիսների ընթացքում (2024 թվականի հուլիսից մինչև 2025 թվականի հունիս) Ռուսաստանը գրավել է Ուկրաինայի գրեթե 5500 քառակուսի կիլոմետր տարածքը։ Համեմատության համար՝ նախորդ նմանատիպ ժամանակահատվածում՝ ընդամենը 1215 քառ. կմ։

Հետևեք մեզ՝ այստեղ