Օգոստոսի 1-ից տրանսպորտի QR կոդի թղթային տարբերակն աստիճանաբար դուրս կգա շրջանառությունից․ ինչպե՞ս է իրականացվելու վճարում

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երևանում արդեն գործում է հասարակական տրանսպորտի միասնական, ժամանակակից տոմսային համակարգը՝ 4 տարբեր վճարման կրիչներով: Այս մասին հայտնում են Երևանի քաղաքապետարանից։

Հաշվի առնելով տեխնոլոգիական և էկոլոգիական գործոնները՝ օգոստոսի 1-ից թղթային տարբերակը աստիճանաբար դուրս կգա շրջանառությունից՝ փոխարինվելով ավելի հարմար ու հուսալի լուծումներով.

• Տրանսպորտային քարտ,
• Անհպում բանկային քարտ (ՀՀ բոլոր բանկերերից, բացի ՎՏԲ-ից),
• Բջջային հավելված:

Տրանսպորտային քարտը կարող եք ձեռք բերել՝

• Մետրոպոլիտենի կայարանների տերմինալներից կամ գանձապահներից,
• Telcell սպասարկման կետերից,
• Հանրապետության և Ֆրանսիայի հրապարակների ինֆո կետերից:

Քարտը ստանալուց հետո անհրաժեշտ է կցել նախընտրած տոմսային փաթեթը՝

• transport.yerevan.am կայքում,
• Telcell տերմինալներով կամ Telcell սպասարկման կետերում:

Սա հերթական քայլն է դեպի հարմարավետ, էկոլոգիապես պատասխանատու և ժամանակակից քաղաքային տրանսպորտ»,- հայտնում են քաղաքապետարանից:

Հետևեք մեզ՝ այստեղ