Գերմանիայում կտրուկ կրճատվել է ապաստան հայցելու դիմումների թիվը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Գերմանիայում ապաստան ստանալու դիմումների թիվը կտրուկ կրճատվել է, հայտնում է «Немецкая волна»-ն։

Ընթացիկ տարվա հունվարի 1-ից հունիսի 30-ն ընկած ժամանակահատվածում ներկայացվել է 65 495 դիմում, ինչը գրեթե կրկնակի՝ 43%-ով, պակաս է 2024 թվականի նույն ժամանակահատվածի համեմատ։ Այս մասին շաբաթ օրը՝ հուլիսի 5-ին, իր առցանց տարբերակում հայտնել է Welt am Sonntag թերթը՝ հղում անելով Ապաստանի հարցերով ԵՄ գործակալության (EUAA) նախկինում չհրապարակված տվյալներին։

Այս թվերը բերված են Եվրոպական հանձնաժողովի՝ 2025 թվականի հուլիսի 3-ի ներքին զեկույցում, որը հասանելի է դարձել գերմանական թերթին։

Ընդ որում, Գերմանիան երկար տարիների ընթացքում առաջին անգամ այլևս առաջատարը չէ ապաստան հայցելու դիմումների թվով։ Նրանից առաջ են անցել Իսպանիան, որին պաշտպանության համար դիմել է 76 020 մարդ 2025 թվականի առաջին վեց ամիսներին, և Ֆրանսիան՝ 75 428 ապաստան հայցող ցուցանիշով։

Ապաստանի դիմումների թվով առաջատար վեց երկրների թվում են նաև Իտալիան (62 534 մարդ), Հունաստանը (27 718) և Բելգիան (17 285)։ Ցուցակը եզրափակում են Լիտվան՝ ապաստան խնդրելու 152 դիմումով, Սլովակիան (84 դիմում) և Հունգարիան (47 դիմում)։

Ընդհանուր առմամբ, ԵՄ երկրներում, Նորվեգիայում և Շվեյցարիայում 2025 թվականի առաջին կիսամյակում ապաստան է խնդրել 388 299 մարդ։ Սա 23%-ով պակաս է 2024 թվականի նույն ժամանակահատվածի համեմատ։ Դիմողների մեծ մասը ժամանել է Վենեսուելայից (48 413), Աֆղանստանից (41 127) և Սիրիայից (23 307)։ Ընդ որում, վենեսուելացիների մեծ մասը եկել է Իսպանիա, իսկ աֆղանցիներն ու սիրիացիները՝ Գերմանիա։

Ըստ EUAA-ի տեղեկատվության, Գերմանիայում դիմորդների կեսից ավելին երեք երկրից է՝ Աֆղանստան (22%), Սիրիա (20%) և Թուրքիա (11%)։ Հինգերորդ տեղում Ռուսաստանից ապաստան հայցողներն են, նրանց մասնաբաժինը կազմել է 3,1% (մոտ 2030 մարդ)։

Հետևեք մեզ՝ այստեղ