«Իմ սրտի մի մասը մնաց Երևանում». Զեմֆիրան համերգից հետո կիսվել է էմոցիաներով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երգչուհի Զեմֆիրան երևանյան համերգից հետո ինստագրամյան իր էջում գրառում է արել՝ կիսվելով իր էմոցիաներով, խոստովանել, որ Երևանը զարմացրել է իրեն.

«Այնքան ջերմություն։ Զարմանալի երկիր, զարմանալի մարդիկ։ Երեք օրն էլ գլխումս ծագեց հարցը՝ «ինչպե՞ս է պատահել, որ ես երբեք այստեղ չեմ եղել»։ Իմ տարիքում նման «հայտնագործություններ» անելը անգին է։ Իմ սրտի մի մասը մնաց այնտեղ՝ Երևանում։  Բայց համերգը, գուցե կարող էր ավելի լավ լինել, ես հաճախ եմ այդպես մտածում։ Ի վերջո, խոսքը նոտաների ու հնչյունների մասին չէր։ Խոսքը երկար սպասված, լավ հանդիպման մասին էր։ Երբ հետո հիշում ես ու մտածում՝ «հիանալի էր»։ 

Ես հիշում եմ երեք բան՝ մարզադաշտի դիմացի բլրի վրա գտնվող երկու տներ, որոնք ամբողջ համերգի ընթացքում ինձ վրա էին փայլեցնում իրենց այրվող պատուհանները, անտանելիորեն գեղեցիկ փոխաբերություն, և պարզապես տեսարան։ Անկրկնելի տեսարան։ Վերջին երգը, վերջում իմպրովիզացիա. ես միշտ սիրել եմ իմպրովիզացիան, բայց ես դա անում եմ ոչ հաճախ։ Այս անգամ այն ​​ստացվեց։

Գագիկը երեկոյի անվիճելի հերոսն է։ Քաջ և զգայուն։

Ինձ ասում են և գրում՝ «հրաշալի համերգ», բայց դու էիր, որ այն այդպիսին դարձրեցիր։ Մարդիկ հավաքվել էին մեկ տեղում, բաց երկնքի տակ, միմյանց հետ կիսվում էին զգացմունքներով ու կարծես քո շուրջ գտնվող բոլոր մարդիկ այդ երկու ժամվա ընթացքում քո ընկերներն էին։

Շնորհակալություն, Երևա՛ն, այս համերգի համար։ Շնորհակալություն բոլորիդ իմ նկատմամբ այդքան բարի վերաբերմունքի համար։ Վստահ եմ, որ ցանկացած արտիստ իր լսարանին լավագույնն է համարում, բայց կարծես իմ լսարանն է լավագույնը, և համերգի հաջորդ օրը Արարատը «բացվեց», լեռը տեսանելի դարձավ ամբողջությամբ։ Ասում են, որ ամռանը դա հազվադեպ է պատահում։ Ինչպե՞ս է պատահել, որ ես երբեք այստեղ չեմ եղել»,- անկեղծացել է Զիմֆիրան: