Մեկնարկում է Երևանի «Ոսկե ծիրան» 22-րդ միջազգային կինոփառատոնը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Արդեն 14-րդ անգամ, հեղինակավոր կինոփառատոնի գլխավոր գործընկերը Viva-ն է 

Հայաստանի մշակութային անցուդարձին, արդեն 22-րդ անգամ, յուրահատուկ շունչ կհաղորդի «Ոսկե ծիրան» միջազգային կինոփառատոնը: Իրադարձություն, որն անկախ մշակույթից, կինոյի լեզվով կներկայացնի կյանքի փիլիսոփայությունը՝   հաճելի ժամանցը համադրելով հետաքրքիր քննարկումների հետ: Մեկ շաբաթ շարունակ՝ հուլիսի 13-20-ը, կցուցադրվեն մրցութային ֆիլմեր՝ աշխարհի տարբեր երկրների, այդ թվում ամենահեղինակավոր՝ Կաննի, Բեռլինի և այլ կինոփառատոններից: Արտերկից Երևան ժամանած հյուրերին, կարմիր գորգից մինչև կինոդահլիճ և դրանցի բացվող կինոպատուհան, հերթական փառատոնը կներկայանա նոր, հետաքրիր և բազմաբովանդակ շերտերով:

22-րդ «Ոսկե ծիրանի» պաշտոնական բացմանը մասնակցել են տարբեր գերատեսչությունների ներկայացուցիչներ, գործընկեր կազմակերպությունների ղեկավարներ, մշակույթի գործիչներ, փառատոնի համահիմնադիր և նախագահ Հարություն Խաչատրյանը, փառատոնի գեղարվեստական ղեկավար և տնօրեն Կարեն Ավետիսյանը, արտերկրից ժամանած պատվավոր հյուրեր և այլք:

«Որքան մոտենում էր հերթական փառատոնի ժամանակը, այնքան աշխարհում ահագնանում էր աշխարհաքաղաքական վիճակը, որն անմիջականորեն կապված էր մեր տարածաշրջանի հետ: Կարելի է ենթադրել այդ դժվարությունները, որոնք կապված էին միջազգային տարբեր իրողությունների հետ: «Ոսկե ծիրանն» ամենասերտ ձևով առնչվում է համաշխարհային անցուդարձին: Այդ առումով, կարծում եմ մեծ հաջողություն ենք գրանցել. հերթական «Ոսկե ծիրանն» իրականացնում ենք թե´ ժյուրիի, թե´ պատվավոր հյուրերի ամենաբարձր կազմով: Ի դեպ, մենք կենտրոնացել ենք ոչ թե ժամանցային, այլ մեզ և աշխարհին առնչվող իրականությունը ներկայացնող ֆիլմերի վրա: Փորձելու ենք ավելի ցայտուն ձևով մատնացույց անել  առավել զգայուն, խոցելի և ցավոտ հարցերն ու առերեսվել դրանց հետ»,-ասել է փառատոնի գեղարվեստական ղեկավար և տնօրեն Կարեն Ավետիսյանը:

Արդեն 14-րդ անգամ, հեղինակավոր կինոփառատոնի գլխավոր գործընկերը Viva-ն է:

«Միջազգային այս կինոտոնը՝ «Ոսկե ծիրանը», անգնահատելի դեր ունի Հայաստանի համար: Այն մեր երկիրը փայլուն կերպով ներկայացնում է աշխարհի մշակութային քարտեզում և ընդգծում է  հայ կինեմատոգրաֆի ուրույն տեղը արվեստի այս ժանրում:  Գիտակցելով դա և գնահատելով տարիների ձեռքբերումները՝ հեղինակավոր կինոփառատոնի հաղթարշավի համար, Viva-ն իր գործունեության 20 տարվա ընթացքում արդեն 14 տարի, ստանձնում է միջազգային կինոփառատոնի գլխավոր գործընկերը լինելու պատվավոր դերը: Մենք վստահ ենք, որ կինոն հրաշալի միջոց է՝ մարդկային ճակատագրերի խառնարանում աշխարհն իր ամբողջ բազմազանությամբ ներկայացնելու և անսահման սեր սերմանելու առաքելությամբ: Միասնությունն ու սերն այսօր առավել քան անհրաժեշտ են աշխարհին»,-ասել է Viva-ի գլխավոր տնօրեն Արմեն Ավետիսյանը:  

Հերթական փառատոնի բացումն ազդարարվել է Ջաֆար Փանահիի «Մի պարզ պատահար» ֆիլմով: Այն, ի դեպ, մայիսին Կաննում արժանացել է գլխավոր մրցանակի՝դառնալով «Ոսկե Արմեվանու ճյուղի» դափնեկիր:

Ինչպես միշտ, այս անգամ ևս, փառատոնի շրջանակներում Հայաստան կժամանեն համաշխարհային կինոդեմքեր՝ իրենց փորձն ու արվեստը կինոսերներին ներկայացնելու պատրաստակամությամբ: Իսկ հայկական կինեմատոգրաֆն իր կարևոր խոսքը պատվով հրամցնելու, և Հայաստանի վարկանիշն արժանի հարթակում ներկայացնելու 22-րդ հնարավորությունը կունենա: 

Երևանի «Ոսկե ծիրան» 22-րդ միջազգային կինոփառատոնի միջազգային մրցութային ծրագրի ժյուրիի նախագահն է Կաննի կինոփառատոնի և Սեզարի մրցանակակիր, մավրիտանացի վարպետ Աբդերահման Սիսակոն։ Համաշխարհային կինոյում մարդկային արժանապատվության, կարեկցանքի, արդարության և հանդուրժողականության ամենազգայուն ձայներից մեկն է։

Կինոփառատոնի հանդիսավոր փակումը կազդարավի Հարություն Խաչատարյանի «Վերջին կայարանը» ֆիլմով։ իսկ մինչև այդ, առջևում սպասվում են հետաքրքիր դիտումներ, մշակութային եռուզեռ, միջազզգային ժյուրիի հագեցած աշխատանք և հանդիսատեսի բուռն քննարկումներ:

 

 

 

 

Փառատոնն իրականացվում է ՀՀ Կրթության, գիտության, մշակույթի և սպորտի նախարարության աջակցությամբ։ Գլխավոր հովանավոր` Երևանի քաղաքապետարան: 

Հետևեք մեզ՝ այստեղ