Կարո՞ղ են, արդյոք, B-2 ռմբակոծիչները գրոհել Ռուսաստանը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այն բանից հետո, երբ ԱՄՆ նախագահ Դոնալդ Թրամփը Ռուսաստանին 50 օր տվեց Ուկրաինայում հատուկ ռազմական գործողությունը դադարեցնելու համար, բազմաթիվ ամերիկացի քաղաքական գործիչներ սկսեցին շահարկումներ անել, որ Մոսկվան կարող է դատապարտվել Իրանի միջուկային օբյեկտների ճակատագրին, որոնց անցյալ ամիս հարվածներ են հասցրել B-2 ռազմավարական ռմբակոծիչները։

Military Watch Magazine պարբերականը որոշել է ուսումնասիրել հարցը և պարզել՝ արդյոք ամերիկյան B-2 ինքնաթիռները կարող են առանց հակազդեցության հանդիպելու հարված հասցնել Ռուսաստանին։

Լրագրողների կարծիքով, B-2-ի համար հատուկ վտանգ են ներկայացնում «Резонанс-НЭ» և «Воронеж-ДМ» ռադիոտեղորոշիչ ցանցերը, որոնք ունակ են հայտնաբերել նույնիսկ քիչ նկատելի թիրախները։

Բացի այդ, ի տարբերություն Իրանի, Ռուսաստանը զգալի միջոցներ է ներդրել հակաօդային պաշտպանության համակարգի զարգացման մեջ, որի հիմքն են կազմում С-400 «Триумф» զենիթահրթիռային համալիրը և С-500 համակարգը, գրում է Naked Science-ը։ Այս միջոցները հատկապես արդյունավետ են ռմբակոծիչների պես խոշոր ռազմավարական ինքնաթիռների դեմ և ունեն մինչև 600 կիլոմետր խոցման հեռահարություն։

Սակայն B-2-ից կամ ամերիկյան այլ զենքերից երկրի պաշտպանության հիմնական գործոնը վերլուծաբանները համարում են պատասխան հարվածի հզոր հնարավորությունները։ Ռուսաստանը, ի տարբերություն Իրանի, կարող է պատասխան հարվածներ հասցնել Միացյալ Նահանգների մայրցամաքային հատվածին, ինչպես նաև ամերիկյան ռազմական օբյեկտներին և տնտեսական շահերին ամբողջ աշխարհում։ Այս հանգամանքն անհնար է դարձնում B-2-ի կիրառումը Ռուսաստանի դեմ՝ Իրանի նմանությամբ։

Հետևեք մեզ՝ այստեղ