Գուտերեշ. մենք կանգնած ենք նոր էներգետիկ դարաշրջանի շեմին

«Հիմա մենք կանգնած ենք նոր դարաշրջանի շեմին: Հանածո վառելիքի դարաշրջանը մնում է անցյալում: Լուսաբացին է մաքուր էներգետիկայի դարաշրջանը», - հայտարարել է ՄԱԿ-ի ղեկավարը: Անտոնիո Գուտերեշի ելույթը ուղեկցվում է նոր զեկույցի հրապարակմամբ, որը պատրաստվել է ՄԱԿ-ի հաստատությունների և գործընկերների աջակցությամբ: Զեկույցն ընդգծում է Փարիզի համաձայնագրի ստորագրումից ի վեր ձեռք բերված առաջընթացը, ինչպես նաև մաքուր էներգիայի անցման արագացման հսկայական առավելությունները:

Ըստ գլխավոր քարտուղարի՝ անցյալ տարի մաքուր էներգետիկայում ներդրվել է երկու տրիլիոն դոլար՝ 800 միլիարդով ավելի, քան հանածո վառելիքներում, և գրեթե 70 տոկոսով ավելի, քան տասնամյա վաղեմության ցուցանիշները: Բացի այդ, Վերականգնվող էներգիայի միջազգային գործակալության նոր տվյալների համաձայն՝ արևային էներգիայի արտադրության արժեքը, որը վերջերս չորս անգամ գերազանցում էր հանածո վառելիքներից էներգիայի արտադրության արժեքը, այժմ 41 տոկոսով ցածր է դրանից:

«Վերականգնվող էներգիայի աղբյուրները գրեթե հավասարվել են հանածո վառելիքներին՝ համաշխարհային տեղակայված հզորության ցուցանիշով: Եվ սա ընդամենը սկիզբն է», - հայտարարել է գլխավոր քարտուղարը: «Մաքուր էներգիայի վրա հիմնված ապագան այլևս խոստում չէ: Դա փաստ է», - ընդգծել է նա: Ըստ նրա՝ հանածո վառելիքի կողմնակիցները կդիմադրեն, սակայն ՄԱԿ-ի ղեկավարը վստահություն է հայտնել, որ նրանք կպարտվեն, «քանի որ մենք անցել ենք անդառնալիության կետը»: Դրա համար կան երեք կարևոր պատճառ՝ շուկայական տնտեսություն, էներգետիկ անվտանգություն և մատչելիություն:

Հայաստանում արևային պանելներ արտադրող առաջին և միակ ընկերությունը Սոլարոնն է։ Տեղադրե՛ք  SolarOn արևային կայան և զրոյացրեք էլեկտրաէներգիայի ծախսը։

Գրե՛ք կամ զանգահարեք և ստացեք անվճար հաշվարկ Ձեզ անհրաժեշտ արևային կայանի հզորությանն ու արժեքի վերաբերյալ։

Զանգահարեք 8757, 010 440055

էլ. փոստ ֊ [email protected]