Brent նավթի գներն իջել են

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նավթի գները, առավոտյան բարձրանալուց հետո, չորեքշաբթի օրվա կեսօրին սկսել են չափավոր անկում ապրել, հաղորդում է Интерфакс-ը։

Երևանի ժամանակով 15:00-ի դրությամբ Լոնդոնի ICE Futures բորսայում Brent տեսակի սեպտեմբերյան ֆյուչերսները նվազել են 0,48 դոլարով (0.7%-ով՝ հասնելով մեկ բարելի համար 68,11 դոլարի։ Ներկա պահին WTI-ի սեպտեմբերյան ֆյուչերսները NYMEX բորսայում նվազել էին 0,47 դոլարով (0,72%-ով՝ հասնելով մեկ բարելի համար 64,84 դոլարի։

Նախորդ սեսիայի ընթացքում Brent-ը նվազել է 0,9%-ով, WTI-ն՝ 1%-ով՝ ԱՄՆ-ի և նրա առևտրային գործընկերների միջև հակամարտությունների համաշխարհային տնտեսական ակտիվության թուլացման և, որպես արդյունք, նավթի պահանջարկի նվազման մտավախությունների պատճառով։

Այնուհետև ԱՄՆ նախագահ Դոնալդ Թրամփը հայտարարեց Ճապոնիայի հետ առևտրային համաձայնագրի մասին։ Ըստ այդ համաձայնագրի՝ Ճապոնիայից ապրանքների ներմուծման մաքսատուրքերը կսահմանվեն 15%, չնայած Թրամփը նախկինում սպառնացել էր սահմանել 25% մաքսատուրք։ Բացի դրանից, Ճապոնիան 550 միլիարդ ԱՄՆ դոլար կներդնի ամերիկյան տնտեսությունում, իսկ Միացյալ Նահանգները կսկսի երկրին մատակարարել ավտոմեքենաներ, բրինձ և այլ գյուղատնտեսական արտադրանք։

Եվրոպական միության ներկայացուցիչների հետ բանակցությունները շարունակվում են։ ԱՄՆ առևտրի նախարար Հովարդ Լութնիկն ավելի վաղ հայտարարել էր, որ համոզմունք ունի, որ ԵՄ-ի հետ առևտրային համաձայնագիր կարող է կնքվել։

«Մենք մոտենում ենք օգոստոսի 1-ին բարձրացված սակագների ուժի մեջ մտնելու ամսաթվին, -հայտարարել է Onyx Capital Group-ից Հարրի Չիլինգիրիանը։ -Ճապոնիայի հետ գործարքն արդեն կնքվել է, հիմա հարցն այն է, թե որքանով կարող է ԱՄՆ-ը կարճ ժամանակում համաձայնագիր կնքել ԵՄ-ի հետ»։

Ամերիկյան նավթի ինստիտուտը նախօրեին հայտնել է, որ ԱՄՆ նավթի պաշարները նախորդ շաբաթ նվազել են 577 հազար բարելով։

API-ը կամավոր հիմունքներով տեղեկություն է ստանում նավթավերամշակման գործարանների, պահեստարանների և խողովակաշարերի օպերատորներից։ Էներգետիկայի նախարարությունը պետք է հրապարակի իր պաշարների տվյալները չորեքշաբթի, իսկ Trading Economics-ի հարցված վերլուծաբանները միջինում կանխատեսում են 1,4 միլիոն բարելի կրճատում։

Հետևեք մեզ՝ այստեղ