ՊԱՏՄՈՒԹՅԱՆ ԱՅՍ ՕՐԸ (31 ՀՈՒԼԻՍԻ). Երևանի կենտրոնում ծավալված արյունալի իրադարձությունների հանգուցալուծումը, Մայր Աթոռ Սուրբ Էջմիածնի գրատան բացումը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Աֆրիկյան կանանց համաաֆրիկյան օր, Հավայան կղզիներ՝ Հավայների դրոշի օր, Դոմինիկյան Հանրապետություն՝ Հայրերի օր, Իրան՝ Իրանական դոնորների օր, Կոնգո ՝ Հեղափոխության սկզբի օր:

ՀԱՅ-ՀԱՅԱՍՏԱՆ

1947– վախճանվել է քաղաքական, պետական գործիչ, ՀՅԴ անդամ Համո Օհանջանյանը։

2005– վաճառքի է հանվել առաջին եռաչափ հայկական համակարգչային խաղը` «Երևան դրայվը»։

2006-փակվել է Բագրատաշենի շուկան. գյուղի բնակիչներն, ի նշան բողոքի, արգելափակել են Հայաստանը Վրաստանին կապող ճանապարհը:

2011-Երևանում բացվել է Մայր Աթոռ Սուրբ Էջմիածնի գրատունը:

2016- Երևանի կենտրոնում ծավալված արյունալի իրադարձությունները հանգուցալուծվել են. ոստիկանության ՊՊԾ գունդը երկու շաբաթ շարունակ գրաված «Սասնա ծռեր» զինված խմբի անդամները ուշ երեկոյան վայր են դրել զենքերն ու հանձնվել իշխանություններին:

2019- Երևանի քաղաքապետարանի դիմաց բողոքի ակցիա են անցկացրել դաշնակցականները. նրանք պահանջել են, որ քաղաքապետը և Երևանի ավագանու անդամները կատարեն իրենց նախընտրական խոստումները և դեղին քարտ են ցույց տվել Հայկ Մարությանին՝ կոչ անելով, որ քաղաքապետը վերջապես լրջանա։

ԱՇԽԱՐՀ

904– արաբները գրավել են Բյուզանդական Կայսրության երկրորդ ամենամեծ քաղաքը՝ Սալոնիկը (նախկինում՝ Թեսաղոնիկե)։

1498– Քրիստափոր Կոլումբոսն իր երրորդ ճանապարհորդության ժամանակ հայտնաբերել է Տրինիդադ կղզին։

1784– վախճանվել է ֆրանսիացի նշանավոր փիլիսոփա, մատերիալիստ, գրող, արվեստաբան Դենի Դիդրոն։

1790 –ԱՄՆ-ում տրվել է առաջին արտոնագիրը:

1815– Անգլիայի Դարհեմյան կոմսության Ֆիլադելֆիա գյուղի մոտ շոգեքարշի ցուցադրության ժամանակ տեղի ունեցած վթարի հետևանքով զոհվել է 16 մարդ. դա պատմության մեջ գնացքների հետ կապված առաջին վթարն է։

1886– վախճանվել է երաժշտական ռոմանտիզմի խոշորագույն ներկայացուցիչներից մեկը՝ հունգարացի մեծանուն երգահան, դիրիժոր, դաշնակահար Ֆերենց Լիստը։

1907 -Կուբայում արգելվել են մենամարտերը:

1910- կանադական զբոսանավի վրա աշխարհում առաջին անգամ հանցագործը ձերբակալվել է ոստիկանական ռադիոյի օգտագործման շնորհիվ:

1914 – ծնվել է ֆրանսիացի աշխարհահռչակ կատակերգակ դերասան Լուի դը Ֆյունեսը։

1919 –Վայմերում ընթացող Գերմանիայի ազգային հիմնադիր ժողովն ընդունել է Գերմանիայի Սահմանադրությունը, ըստ որի, Գերմանիան դարձել է հանրապետություն: Գերմանիայի առաջին նախագահ է դարձել սոցիալ-դեմոկրատ Ֆրիդրիխ Էբերտը:

1928 –առաջին անգամ «Metro-GoldwynMayer» կինոընկերության նշանին հայտնվել է մռնչացող առյուծը: Դա այդ ընկերության նկարահանած առաջին ձայնային ֆիլմն էր՝ «Հարավային ծովերի սպիտակ ստվերները»: Ամբողջ ֆիլմում առյուծի մռնչոցից բացի եղել է միայն մեկ ձայն՝ բարև:

1937 –ԽՍՀՄ ՆԳՆ իրականացրած օպերացիայի արդյունքում մեկ օրում ձերբակալվել են հազարավոր չեչեններ:

1937 –ծնվել է լեհական ծագմամբ խորհրդային և ռուսական երգչուհի Էդիտա Պիեխան:

1944 –զոհվել է ֆրանսիացի գրող Անտուան դե Սենտ-Էքզյուպերին:

1961 –Իսրայել է ժամանել միլիոներորդ ներգաղթյալը:

1962 –տանզանական Դար-էս-Սալեմում կայացած համաաֆրիկական գագաթաժողովի ժամանակ այդ օրը հռչակվել է Աֆրիկյան կանանց օր:

1965 –Մեծ Բրիտանիայում հեռուստատեսությամբ արգելվել է ծխախոտի գովազդը:

1965– ծնվել է անգլիացի կին գրող Ջոան Ռոուլինգը, որը հայտնի է դարձել Հարրի Փոթերի մասին վիպաշարքով։

2008– ՆԱՍԱ-ի «Ֆենիքս» սարքի միջոցով Մարս մոլորակի վրա հայտնաբերվել է ջուր՝ սառույց վիճակում։

2022 – սպանվել է 2011 թվականից Ալ–Քաիդայի առաջնորդ Այման ազ Զահավարին:

2024 – սպանվել է 2017 թվականից ՀԱՄԱՍ–ի քաղխորհրդի ղեկավար Իսմաիլ Հանիան:

Մանրամասները՝ «Փաստ» օրաթերթի այսօրվա համարում