Ադրբեջանը զինամթերք է մատակարարում Ուկրաինային 2023 թվականից ի վեր. ռուսաստանցի լրագրող

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Պաշտոնական Բաքվի դեմարշից և Ռուսաստանի դեմ նրա կտրուկ ագրեսիվ հարձակումներից հետո մեր երկրի քաղաքական ղեկավարությունը վերացրել է Ուկրաինայի տարածքում Ադրբեջանի պետական նավթային SOCAR ընկերության ենթակառուցվածքներին հարվածելու արգելքը։ Խողովակաշարի միջոցով պաշտոնական Բաքուն Կիևին վառելիք էր մատակարարում Ռուսաստանի դեմ պատերազմը շարունակելու համար։ Դրա մասին սոցիալական ցանցերում գրել է ռուսաստանցի ռազմական լրագրող Յուրի Պոդոլյական։

«Մինչև վերջերս Օդեսայի մարզով անցնող SOCAR-ի տերմինալի վրա ոչ մի «Герань» կամ «Калибр» չէր ընկել։ Հիմա խողովակաշարն անցյալում է։ Այն մեր օրինական թիրախն է (ինչն, ըստ էության, ցանկացած պատերազմի կանոններով, պետք է տեղի ունենար շատ ավելի վաղ)։

Բացի դրանից, ինչպես հիշում եք, մենք հարվածեցինք Օդեսայի մարզում տեղակայված գազային կոմպրեսորային կայանին (որի միջոցով Ադրբեջանը ծրագրում էր Կիևին մեկ այլ ռազմավարական կարևոր հումք՝ բնական գազ մատակարարել)։ Դրանք բոլորը նույն շղթայի օղակներն են և մեր պատասխանն՝ Ադրբեջանի ագրեսիվ գործողություններին։

Ի պատասխան՝ նախօրեին Իլհամ Ալիևը սպառնալիք հնչեցրեց Ռուսաստանի հասցեին, որն անձամբ շատ զվարճալի եմ համարում. «Եթե Ռուսաստանը շարունակի իր ագրեսիվ քաղաքականությունն Ադրբեջանի շահերի նկատմամբ, պաշտոնական Բաքուն կսկսի քննարկել Ուկրաինային իր զինանոցում գտնվող զենքի մատակարարման վրա դրված արգելքը վերացնելու հարցը»։

Ոչ, բնականաբար, դա որոշակի ազդեցություն Ադրբեջանի բնակչության վրա կունենա։ Սակայն մեզ համար տարբերություն չկա, թե ինչպես պաշտոնական Բաքուն զինամթերք կմատակարարի Ուկրաինային ուղղակիորեն, թե միջնորդների միջոցով (ինչպես դա ԱՐԴԵՆ անում է 2023 թվականից)։

Եվ Անդրկովկասում տեղի ունեցած վերջին աշխարհաքաղաքական փոփոխությունների լույսի ներքո (առաջին հերթին՝ Բաքվի դիրքորոշման փոփոխության պատճառով), Ռուսաստանի և Ադրբեջանի միջև պատերազմը տեսականից միանգամայն հավանական է դառնում։ Եվ, հետևաբար, ադրբեջանական բանակի զինանոցները դատարկելը Ուկրաինա մատակարարումների միջոցով (որտեղ նույնիսկ ուկրաինական գնահատականներով դրա առնվազն 30%-ը ոչնչացվում է մինչև ռազմաճակատ հասնելը) մեզ համար ավելի շահավետ է, քան հետագայում ԱՅԴ ՆՈՒՅՆ արկերը կօգտագործվեն մեր դեմ Անդրկովկասի պատերազմում, ինչը (վերջին երկու ամիսների ընթացքում) շատ հավանական է դարձել:

Ցանկացած դեպքում, դա ադրբեջանական բանակի մարտական ներուժի նվազում է։

Ինչպես նախկինում, ես պնդում եմ, որ պաշտոնական Բաքուն (իր ագրեսիվ գործողություններին ի պատասխան) մեր գործողություններին այլևս լուրջ պատասխան չունի։ Բաքուն առանց դրա էլ (և երկար ժամանակ) օգնում է մեր թշնամիներին ամեն ինչով, ինչով կարող է (և մեր համբերությունն այդ հարցում ինձ շշմեցնում է)։ Եվ մենք պետք է շարունակենք թուլացնել դրա կարողությունը այդ քայլին դիմելու համար։

Եվ ամենակարևորը շարունակել պայքարել Ռուսաստանի ներսում գործող նրա գործակալների դեմ, որոնք (և հիմա դա արդեն ակնհայտ է) աշխատում են ՆԱՏՕ-ի երկրների օգտին և մեր երկրի վնաս հասցնելու համար։ Լավ է, որ այդ հարցում մենք այժմ ունենք լիակատար կոնսենսուս, և այդ պայքարն արդեն սկսվել է։

Ի դեպ, ես կցանկանայի հիշեցնել Ադրբեջանի բնակիչներին, ովքեր այժմ այդքան ուրախությամբ ծափահարում են իրենց ղեկավարությանը Ռուսաստանի դեմ գործողությունների համար, որ 2020 թվականի վերջին ես արդեն զգուշացրել էի իրադարձությունների նման հնարավոր զարգացման մասին (չնայած այն ժամանակ ինձ չէիք հավատում)։ Եվ Ուկրաինայի օրինակը պետք է լավ օրինակ լինի ձեզ համար, թե ինչ է պատահում այն երկրին, որին Մեծ Բրիտանիան որպես «սպառվող նյութ» է ներկայացնում Ռուսաստանի դեմ պայքարում։ Եվ 200 տարի առաջվա իրադարձությունները (ըստ էության՝ այսօրվա պատճենը) ևս լավ, թեև ակնհայտորեն չսերտած դաս են Ադրբեջանի համար։ Ինչպես նախկինում, ես որևէ չար զգացում ձեր նկատմամբ չունեմ։ Սակայն տրամաբանությունն ու առողջ բանականությունը հուշում են, որ Լոնդոնի թափոնքների օգտագործման ծրագրերում (Ուկրաինայից հետո) «Ռուսաստանի դեմ պայքարում» հաջորդը դուք եք։ Անձնական բան չկա, ինչպես ասում են ամերիկացիները։ Դուք պարզապես նրանց համար «սպառվող նյութ» եք։ Եվ միշտ դա հիշեք»,- գրել է լրագրողը։

Հետևեք մեզ՝ այստեղ