Ի՞նչ են ասել եվրոպացի առաջնորդներն ԱՄՆ-ի և Ուկրաինայի նախագահների հետ հանդիպման ժամանակ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Եվրոպացի առաջնորդները հայտարարություններ են արել Սպիտակ տանը ԱՄՆ-ի և Ուկրաինայի նախագահների հետ հանդիպման ժամանակ շ, հաղորդում է Reuters-ը։

ՆԱՏՕ-ի գլխավոր քարտուղարը հայտարարել է. «Մենք պետք է դադարեցնենք սպանությունները։ Պետք է դադարեցնենք Ուկրաինայի ենթակառուցվածքների ոչնչացումը։ Սա սարսափելի պատերազմ է»,- շեշտել է Ռյուտեն՝ շնորհակալություն հայտնելով Թրամփին «փակուղուց դուրս գալու ելք գտնելու» համար։

Եվրահանձնաժողովի նախագահ Ուրսուլա ֆոն դեր Լայեն. «Մենք այստեղ ենք՝ ձեզ հետ աշխատելու, Ուկրաինայում արդար և երկարատև խաղաղության և սպանությունները դադարեցնելու նպատակով»։

Գերմանիայի կանցլեր Ֆրիդրիխ Մերց. «Ես չեմ կարող պատկերացնել, որ հաջորդ հանդիպումը տեղի կունենա առանց հրադադարի։ Այնպես որ, եկեք աշխատենք այդ ուղղությամբ և փորձենք ճնշում գործադրել Ռուսաստանի վրա»։

Իտալիայի վարչապետ Ջորջիո Մելոնի. «Մենք շատ կարևոր թեմաներ կքննարկենք։ Առաջինն անվտանգության երաշխիքներն են՝ համոզվելու համար, որ նման բան այլևս չի կրկնվի։ Դա ցանկացած խաղաղության նախապայման է»։

Ֆրանսիայի նախագահ Էմանուել Մակրոն. «Վերջին մի քանի տարիների ընթացքում մենք շատ ենք աշխատել՝ հասնելու համար խաղաղության, որը կլինի հուսալի և երկարատև։ Ահա թե ինչու եռակողմ հանդիպման գաղափարը շատ կարևոր է, քանի որ դա ամեն ինչ շտկելու միակ միջոցն է»։ Նա միաժամանակ անհապաղ հրադադարի կոչ արեց։

Մեծ Բրիտանիայի վարչապետ Քեյր Սթարմեր. «Մենք խոսում ենք ոչ միայն Ուկրաինայի անվտանգության, այլև Եվրոպայի և Միացյալ Թագավորության անվտանգության մասին, հետևաբար դա անչափ կարևոր հարց է»։

Ֆինլանդիայի նախագահ Ալեքսանդր Ստուբ. «Այն փաստը, որ մենք այսօր հավաքվել ենք այս սեղանի շուրջ, շատ խորհրդանշական է այն իմաստով, որ հենց Եվրոպան և Միացյալ Նահանգներն են օգնում Ուկրաինային։ Ֆինլանդիան երկար սահման ունի Ռուսաստանի հետ և այդ երկրի հետ Երկրորդ համաշխարհային պատերազմի ժամանակ փոխգործակցության մեջ ունի իր սեփական փորձը։ Մենք լուծում գտանք 1944 թվականին, և ես վստահ եմ, որ կկարողանանք լուծում գտնել 2025 թվականին՝ Ռուսաստանի ագրեսիվ պատերազմը դադարեցնելու, երկարատև, արդար խաղաղություն գտնելու և հասնելու համար»։

Հետևեք մեզ՝ այստեղ