«Լիվերպուլը» հաղթեց «Արսենալին» Սոբոսլայի իրացրած տուգանայինի շնորհիվ

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Անգլիայի Պրեմիեր լիգայի 3-րդ տուրի կենտրոնական խաղում «Լիվերպուլը» «Էնֆիլդում» 1:0 հաշվով հաղթեց «Արսենալին»։ Հանդիպման գլխավոր մրցավարն էր Քրիս Կավանան։ Այս մասին հայտնում է ArmSport.am-ը։

Հանդիպման 5-րդ րոպեին վնասվածք ստացավ «Արսենալի» պաշտպան Վիլիամ Սալիբան, ում փոխարինեց Կրիստիան Մոսկերան։ Երկրորդ խաղակեսում վնասվածք ստացավ նաև «Լիվերպուլի» պաշտպան Իբրահիմա Կոնատեն, ինչի պատճառով Առնե Սլոտը ստիպված եղավ փոփոխություն կատարել։

Հանդիպման միակ գոլը խփվեց 83-րդ րոպեին. «Լիվերպուլի» կիսապաշտպան Դոմինիկ Սոբոսլայը ճշգրիտ և հզոր հարվածով ազատ հարվածից գրավեց Դավիդ Ռայայի դարպասը։

Այս հաղթանակից հետո «Լիվերպուլը» 9 միավորով դարձավ Պրեմիեր լիգայի միանձնյա առաջատար՝ երեք խաղից հետո։ «Արսենալը» 6 միավորով զբաղեցնում է 3-րդ հորիզոնականը։

Հատկանշական է, որ «Արսենալի» նորեկ Էբերեչի Էզեն նշեց իր նորամուտը լոնդոնյան ակումբի կազմում՝ երկրորդ խաղակեսում դաշտ դուրս գալով։ Էզեն «Քրիստալ Փելասից» տեղափոխվել էր մոտ 70 միլիոն եվրոյով՝ դառնալով «Փելասի» պատմության ամենաթանկ վաճառքը։

Հաջորդ տուրում «Արսենալը» սեպտեմբերի 13-ին սեփական հարկի տակ կմրցի «Նոթինգեմ Ֆորեսթի» հետ, իսկ «Լիվերպուլը» սեպտեմբերի 14-ին հյուրընկալվելու է «Բերնլիին»։

 Հետևեք մեզ՝ այստեղ