ԱՊՀ երկրների ավելի քան 100 մասնակիցներ պրակտիկա են անցել Ռուսաստանում․ «ԻնտերՆովոստի»

Մոսկվայում ավարտվել է «ԻնտերՆովոստի» միջազգային նախագծի 2025 թվականի սեզոնը, որն իրականացվում է «Ռոսսոտրուդնիչեստվոյի» կողմից և միավորում է ԱՊՀ երկրների երիտասարդ լրագրողներին, բլոգերներին և մամուլի ծառայությունների աշխատակիցներին: Նախագծի հիմնական նպատակն է ստեղծել մասնագիտական միջավայր՝ փորձի փոխանակման և միջազգային մեդիա երկխոսության զարգացման համար:

«ԻնտերՆովոստի» նախագիծը թույլ է տալիս բարեկամ երկրների երիտասարդ մասնագետներին խորանալ Ռուսաստանի առաջատար խմբագրությունների աշխատանքի մեջ, տիրապետել ժամանակակից բովանդակության ստեղծման գործիքներին և ձեռք բերել գործնական գիտելիքներ ոլորտի մասնագետներից:

Ծրագիրն ընդգրկում էր Ռուսաստանի առանցքային մեդիա հարթակները։ ԱՊՀ երկրների լրագրողներն այցելել են խոշորագույն պարբերականների եւ հեռուստաալիքների խմբագրություններ՝ ՏԱՍՍ, «Կոմսոմոլսկայա պրավդա», «Կոմերսանտ», «Բիզնես FM», «360» և RT խմբագրություններ: Խորհրդարանական մամուլի ծառայությունների ներկայացուցիչները բացառիկ հնարավորություն են ստացել փորձ փոխանակելու Դաշնության խորհրդի, Պետդումայի և Ռուսաստանի Դաշնության տնտեսական զարգացման նախարարության գործընկերների հետ՝ ծանոթանալով տեղեկատվական աջակցության և միջազգային հաղորդակցությունների առանձնահատկություններին:

Առանձին հատված նվիրված էր բլոգերների աշխատանքին: RUTUBE-ում մասնակիցները ծանոթացել են առաջարկությունների ալգորիթմներին և դրամայնացման սկզբունքներին, սովորեել են, թե ինչպես ձևակերպել հուշումներ և օգտագործել նեյրոնային ցանցեր՝ տեքստեր, պատկերներ և տեսանյութեր ստեղծելու համար: VK գրասենյակում նրանք ծանոթացել են համագործակցության նոր ձևաչափերին, ուսումնասիրել թվային էկոհամակարգի հնարավորությունները և ոգեշնչվել ընկերության լսարանի հետ աշխատելու ժամանակակից մոտեցմամբ:

Մասնագիտական միջոցառումներից բացի, ծրագիրը ներառում էր նաև մշակութային մաս. մասնակիցները ծանոթացել են Մոսկվայի տեսարժան վայրերին և կարողացել զգալ քաղաքի մթնոլորտը։

«ԻնտերՆովոստի» նախագիծը ապացուցել է իր արդյունավետությունը որպես մասնագիտական աճի, միջազգային համագործակցության և ստեղծագործական հետազոտությունների տարածք։ Այն միավորում է ստեղծագործ հեղինակներին և ձևավորում է ընդհանուր մեդիա տարածք, որտեղ տեխնոլոգիան և կենդանի խոսքը ստեղծում են երկրների միջև հաղորդակցության նոր ձևաչափեր։