8 խորհուրդ՝ ձմռանը մաշկը պաշտպանելու համար

ԼԱՅՖ 9 Փետրվար, 2016 10:40

Ձմռանը մաշկը պահանջում է ավելի հոգատար խնամք:

Դրսում ցուրտ եղանակը և տաք ջերմաստիճանը տանը վնասում են մաշկը:

Ձմռան ցուրտ եղանակներին նկատում ենք, որ մեր մաշկը դառնում է խամրած և չափազանց զգայուն: Սակայն հետևելով խորհուրդներին, դուք կարող եք պահպանել ձեր մաշկի գեղեցկությունը:

1. Ընտրեք ճիշտ ձմեռային քսուքներ

Ցուրտ եղանակներին մաշկը պահանջում է ավելի մանրակրկիտ խնամք: Մաքրումը, սնուցումը և պաշտպանումը պետք է սկսել ձմեռային կրեմի ընտրությունից: Ձմեռային կրեմները պարունակում են ավելի բարձր քանակությամբ յուղային բաղադրիչներ, որորնք էլ պաշտպանում են մաշկը կոպտացումից: Այդ կրեմներում պարունակվում է վիտամին A, C, և E, որոնք բարձրացնում են մաշկի պաշտպանվածությունը արտաքին գործոններից: Պարբերաբար օգտագործումից հետո, պաշտպանական թույլ հատկություններ ունեցող մաշկը դառնում է ավելի պաշտպանված:

Կարևոր է՝ կրեմը պետք է քսել դուրս գալուց 30 րոպե առաջ:

2. Խոնավեցրեք մաշկը

Ջերմաստիճայանի տատանումների պատճառով մաշկը ավելի շուտ է կորցնում խոնավությունը: Մաշկի չորացումից խուսափելու համար պետք է օգտագործել մաշկը խոնավեցնող միջոցներ: Այդպիսի կրեմները կարող են լինել բուսական բաղադրիչներով, բնական միկրոէլեմենտներով, ինչպես նաև հիալուրոնային թթուն: Կրեմը գնելիս ուշադրություն դարձրեք, որ այն համապատասխանի ձեր մաշկի տեսակին:

Կարևոր է՝ մի սպասեք մինչև երեսը և մաշկը դառնան ամբողջությամբ չոր: Երբ ջերմաստիճանը նվազում է, սկսեք պարբերաբար խոնավեցնել մաշկը: Եվ աշխատեք հնարավորինս շատ ջուր խմել, այն օգնում է դիմակայել ցուրտ եղանակներին:

3. Ձեռնոցներ կրեք

Հաճախակի մենք առհամարհում ենք այս խորհուրդը և սկսում ենք կրել ձեռնոցներ միայն այն ժամանակ, երբ մեր մաշկը չորանում և ճաքճքում է: -10-15 աստիճանի ժամանակ ձեռնոցներ չկրելը կարող է բերել մաշկի լուրջ վնասմանը: Հիշեք, որ ձմռանը մաշկը շատ անգամ ավելի զգայուն է, այդ իսկ պատճառով ձեռնոցներ կրելը պարտադիր է:

Կարևոր է. քսեք ձեռքերի կրեմը դուրս գալուց մի քանի ժամ առաջ, որ այն հասցնի ներծծվել:

4. Ընդունեք սառը ցնցուղ

Այսպիսով դուք ոչ միայն կկոփվեք, այլ նաև կպաշտպանեք ձեր մաշկը: Հայտնի է, որ տաք ցնցուղը հեռացնում է մաշկի պաշտպանիչ հատկությունները դարձնելով այն ավելի զգայուն:

Կարևոր է. Նույնիսկ յուղոտ մաշկ ունենալու դեպքում ձմռանը ավելի լավ է խուսափեք օճառի օգտագործումից: Այն կարելի է փոխարինել խոնավեցնող գելով և քսել խոնավեցնող կրեմ:

5. Մի հրաժարվեք ուլտրամանուշակագույն ճառագայթներից պաշտպանող միջոցներից

Շատերի կարծիքով պաշտպանիչ կրեմները պետք է օգտագործել միայն ամռանը, սակայն մասնագետները պնդում են, որ այն պետք է օգտագործել տարվա բոլոր եղանակներին:

Մաշկի համար վնասական ուլտրամանուշակագույն ճառագայթները արտացոլվում են նաև ձմռանը:

Կարևոր է՝ ձմռանը դահուկասպորտով զբաղվելիս պետք է օգտագործել պաշտպանիչ կրեմ, քանի որ արևը ձյան վրա արտացոլվելով կարող է զգալի վնաս հասցնել մաշկին: Պետք է օգտագործել SPF-40 կամ SPF-50 պաշտպանիչ աստիճանը ունեցող կրեմներ:

6. Հետևեք սննդակարգին

Ցուրտ եղանակներին մաշկը լիովին արտացոլում է մեր օրգանիզմի առողջական վիճակը: Հոգ տարեք այն մասին, որ ցուրտ եղանակներին ձեր ճաշացանկում լինեն բանջարեղեն և մրգեր, վերջիններս հարուստ են վիտամիններով:

Ցուրտ եղանակին օրգանիզմը ավելի մեծ քանակությամբ ճարպ է պահանջում, այդ իսկ պատճառով հրաժարվեք ցածր կալորիականություն ունեցող դիետաներից: Ճաշացանկում ավելացնելով ձուկ, բանջարեղեն և կաթնամթերք:

7. Դիմահարդարում անելն ու այն մաքրելը պետք է ճիշտ լինի

Ցածր ջերմաստիճանի ժամանակ լավ է օգտագործել ավելի բարձր յուղայնություն ունեղցող կոսմետիկա: Դուրս գալուց առաջ մի փոքր դիմափոշի արեք, այն կպաշտպանի ձեր մաշկը:

Ձմռանը մաշկը մաքրելիս ավելի լավ է հրաժարվել ջրից և սպիրտ պարունակող տոնիկներից: Երեսը սրբեք ալկոհոլ չպարունակող տոնիկով կամ հատուկ քսուքներով, որոնք չեն վնասի ձեր մաշկը: