Հոբելյանական Մեգաշոու` նվիրված «Շանթ»-ի 30-ամյակին. երեկոյի ժամանակ կբացահայտվի «Հայ Սուպերսթար»-ի հաղթողը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հոկտեմբերի 4-ին Կարեն Դեմիրճյանի անվան մարզահամերգային համալիրում տեղի կունենա յուրահատուկ Հոբելյանական Մեգաշոու, որը նվիրված է «Շանթ» հեռուստաընկերության 30-ամյակին։ 

Tert.am Life-ի հետ զրույցում «Շանթ» հեռուստաընկերության պրոդյուսեր Հրաչ Ղուկասյանը նշեց, որ երեկոն կմիավորի վերջին երեք տասնամյակների ամենավառ երաժշտական նախագծերը՝ «Հայ Սուպերսթար», «X Factor», «Ժողովրդական երգիչ», «Ազգային երգիչ»։ Մեկ բեմում կհայտնվեն սիրելի աստղերը, որոնք ճանաչել ու սիրվել են հենց այս նախագծերի շնորհիվ։ 

Հատուկ հյուրերը՝ Անդրեն, Սոնան և Սյուզաննա Մելքոնյանը, ինչպես նաև «Հայ Սուպերսթար 6»-ի բոլոր մասնակիցները, կլցնեն դահլիճը հզոր էներգիայով։ Երեկոյի վարողներն են Զիրոյանը և Գոհար Գասպարյանը։

«Այս տարի նշում ենք «Շանթ»-ի 30-ամյակը։ Կարծում եմ՝ խորհրդանշական էր, որ հենց այս հոբելյանական տարում մեկ բեմում հավաքենք մեր բոլոր երաժշտական նախագծերի աստղերին։ Իսկ ամենակարևորը՝ հենց այդ օրը կբացահայտենք այս տարվա «Հայ Սուպերսթար»-ի հաղթողին»,- նշեց պրոդյուսեր Հրաչ Ղուկասյանն ու  հանդիսատեսին հորդորեց բաց չթողնել այս բացառիկ միջոցառումը։

«Երաժշտասերներին սպասվում է անմոռանալի երեկո՝ հագեցած հուշերով, սիրելի երգերով և մեծ անակնկալներով»,- ամփոփեց պրոդյուսերը:

Հետևեք մեզ՝ այստեղ