Ուղերձը, որը թողեց այս աղջիկն իր ընտանիքին ու համայն մարդկությանը իր մահվանից առաջ, հուզել է միլիոնավոր մարդկանց (լուսանկարներ)

Blog.1in.am-ը գրում է.

Լեսթեր քաղաքում բնակվող Աթենաս Օրչարդը բարի և ուրախ աղջիկ էր, ով սիրում էր սպորտն ու ինքնամոռաց հոգ էր տանում իր 6 քույրիկների և 3 եղբայրների մասին։

Սուրբ ծննդից քիչ առաջ նրա գլխուղեղում ուռուցք հայտնաբերեցին։ Նրա հիվանդության մասին ոչ ոք չէր կասկածում մինչև այն պահը, երբ մի անգամ նա կորցրեց գիտակցությունը խոհանոցում։

Բժիշկները սարսափելի ախտորոշում արեցին՝ քաղցկեղ, ինչն իսկական շոկ էր բոլոր նրանց համար, ովքեր ճանաչում էին Աթենասին։ Հրատապ վիրահատության անցկացրեցին նրա ուղեղը, որից հետո քիմիոթերապիայի կուրսեր նշանակվեցին։ Դրա արդյունքում նրա մազերը թափվեցին, նա կորցրեց իր կենսական էներգիան, բայց ոչ իր դրական աշխարհայացքը, որը չէր լքում Աթենասին ո՛չ նրա հալումաշ անող ու երկար պայքարի ընթացքում հիվանդության դեմ, ո՛չ էլ մահվանից առաջ։

Հուղարկավորությունից հետո ծնողները սկսեցին հավաքել աղջկա սենյակի իրերը։ Շարժելով հայելին՝ Աթենասի հայրը նկատեց, որ դրա հետևի մասում մարկերով ինչ-որ բաներ են գրված։ Նա սկսեց կարդալ, բայց չկարողացավ ընթերցել մինչև վերջ, այն աստիճան հուզիչ էր տեքստը։ Ուղերձը, որը թողել էր աղջիկն իր ընտանիքին ու համայն մարդկությանը, միլիոնավոր մարդկանց հուզում է մինչև հոգու խորք։

Ահա թե ինչ էր գրել Աթենասը հայելու հետևում.

«Երջանկությունը կախված է միան մեզանից։ Հավանաբար բանը ոչ թե երջանիկ ավարտի մեջ է, այլ բուն պատմության։

Կյանքի իմաստն իմաստավորված կյանքն է։ Սովորականի ու անսովորի տարբերությունն «ան» ածանցն է։

Երջանկությունն ուղղությունն է, այլ ոչ թե նպատակը։ Շնորհակալ եմ, որ դու կաս, եղիր երջանիկ, ազատ, հավատա ու միշտ երիտասարդ մնա։ Դու գիտես իմ անունը, բայց ոչ իմ պատմությունը։ Դու լսել ես այն մասին, թե ինչ եմ ես արել, բայց չգիտես, թե ինչով եմ ստիպված եղել անցնել։ Սերն ապակու պես է՝ անսովոր գեղեցիկ ու փխրուն։

Սերը հազվադեպ է հանդիպում, կյանքը տարօրինակ է, ոչինչ հավերժ չէ, մարդիկ էլ փոփոխական են։ Ամեն օրը յուրահատուկ է, այնպես որ՝ ապրեք այն լիարժեք, չէ՞ որ վաղը կարող եք բացահայտել, որ անբուժելի հիվանդ եք։ Կյանքը լինում է վատը, միայն երբ մենք ենք այն այդպիսին դարձնում։

Եթե ինչ-որ մեկը սիրում է, ապա նա թույլ չի տա, որ դու գնաս, կապ չունի, թե որքան բարդ է իրավիճակը։ Հիշիր այն մասին, կյանքը լի է վայրիվերումներով։ Երբեք մի՛ հրաժարվիր նրանից, առանց որի մասին մտածելու դու չես կարող անգամ մեկ օր անցկացնել։ Ես ուզում եմ լինել այնպիսի աղջիկ, ով վատ օրերը դարձնում է լավը ու լինել նա, ով կկարողանա փոխել իրեն հանդիպած մարդկանց կյանքերը։

Սերը չի կայանում նրանում, թե որքան հաճախ ես դու դրա մասին խոսում, այլ նրանում, թե որքանով ես դու պատրաստ ապացուցել սերդ քո գործողություններով։ Սերը քամու պես է. այն կարելի է զգալ, բայց ոչ երբեք տեսնել։ Ես կուզենայի սիրել ինչ-որ մեկին ու բացել սիրտս այդ մարդու առջև։ Սերը ոչ թե այն մարդու նկատմամբ է, ում հետ դու տեսնում ես քո ապագան, այլ այնպիսի մարդու, առանց ում դու քո ապագան չես պատկերացնում…

Կյանքը խաղ է, որտեղ սերը մրցանակն է։ Միայն ես կարող եմ դատել ինձ։

Երբեմն սերը ցավեցնում է։ Հիմա ես ինքս եմ պայքարում։ Ես զգում եմ քո ցավը։ Երազանքները եկել են փոխարինելու իմ իրականությունը։ Ես ցավ եմ զգում, բայց ոչինչ, ես արդեն սովոր եմ։

Մի՛ շտապիր դատել ինձ, դու տեսնում ես միայն այն, ինչ ես որոշել եմ ցույց տալ քեզ, ու դու չգիտես ճշմարտությունը։ Ես պարզապես ցանկանում եմ ուրախանալ ու երջանիկ լինել՝ առանց դատապարտվելու։

Սա իմ կյանքն է, այլ ոչ թե քո, ուստի թող քեզ չանհանգստացնի, թե ինչ եմ անում ես։ Մարդիկ քեզ կարող են ատել, գնահատել, փորձել կոտրել, բայց այն, թե որքանով դու կդիմակայես այդ ամենին, քեզ կդարձնի այն, ինչ դու իրականում կաս։

Ու պետք չէ լացել, որովհետև ես գիտեմ, որ մենք շուտով կհանդիպենք»: