ՊԱՏՄՈՒԹՅԱՆ ԱՅՍ ՕՐԸ (27 ՍԵՊՏԵՄԲԵՐԻ).Սկսվել է Արցախյան 44–օրյա պատերազմը. «Փաստ»

«Փաստ» օրաթերթը գրում է.

ՏՈՆԵՐ ԵՎ ՀԻՇԱՐԺԱՆ ՕՐԵՐ

Զբոսաշրջության համաշխարհային օր, Ծովի համաշխարհային օր, Մեքսիկա՝ Անկախության պատերազմի ավարտի օր, Բելգիա՝ ֆրանկախոս հասարակության օր, Ռուսաստան՝ Նախադպրոցական հաստատությունների աշխատողների օր:

ՀԱՅ–ՀԱՅԱՍՏԱՆ

1829– Ֆրիդրիխ Պարրոտն ու Խաչատուր Աբովյանն առաջին անգամ բարձրացել են Արարատի գագաթը:

1914– վախճանվել է նշանավոր ֆիդայի, ազգային ազատագրական շարժման գործիչ Նիկոլ Դումանը:

1950 – ծնվել է նկարիչ Հենրի Գարուկյանը, որը կատարել է ներկայացումների, ամսագրերի, ինչպես նաև ինտերիերի ձևավորումներ կերամիկայի, գոբելենի և քանդակի ժանրերում։

1976 – վախճանվել է հայ խորհրդային մեխանիկ, Երևանի պոլիտեխնիկական ինստիտուտի բարձրագույն մաթեմատիկայի ամբիոնի վարիչ Արտավազդ Մխիթարյանը, որի ղեկավարությամբ կատարվել են Սևանա լճի պրոբլեմի լուծման հիմնարար հետազոտություններ։

2004 – Երևանի խորհուրդը հաստատել է Երևանի դրոշը:

2005 – վախճանվել է հայ խորհրդային դիվանագետ, պատմական գիտությունների դոկտոր Վիկտոր Իսրայել յանը:

2006 – Կալիֆորնիայի նահանգապետ Առնոլդ Շվարցենեգերը ստորագրել է Հայոց ցեղասպանությունից տուժածների կամ նրանց հետնորդների իրավունքների պաշտպանությանն ուղղված օրենք:

2008– Մայր Աթոռ Սուրբ Էջմիածնում Գարեգին Բ Ամենայն հայոց կաթողիկոսի ձեռամբ տեղի է ունեցել նորակառույց Ս. Վարդան և Ս. Հովհաննես Մկրտիչ մատուռ– մկրտարանի օծման արարողությունը:

2020–ադրբեջանական բանակը հարձակվել է Լեռնային Ղարաբաղի վրա հյուսիսային և հարավային ուղղություններով՝ զրահատեխնիկայի, ավիացիայի և հրետանու զանգվածային օգտագործմամբ: Սկսվել է Արցախյան 44–օրյա պատերազմը:

2023–Ադրբեջանի զինված ուժերի ներկայացուցիչները Ստեփանակերտ–Կոռնիձոր ճանապարհահատվածում տեղադրված ադրբեջանական անցակետում գերեվարել և ձերբակալել են Արցախի Հանրապետության նախկին պետնախարար Ռուբեն Վարդանյանին:

ԱՇԽԱՐՀ

489 –օստգոթերի՝ Իտալիայի նվաճման արշավանքի ժամանակ Վերոնա քաղաքի մոտ տեղի է ունեցել ճակատամարտ, որի ժամանակ Թեոդրիխ Մեծի ղեկավարած օստգոթական բանակը հաղթել է Իտալիայի թագավոր Օդոակրի գլխավորած բանակին:

1066 –Նորմանդիայի հերցոգ Վիլհելմ Նվաճողի բանակը, նավերով անցնելով Լա–Մանշը, ափհանվել է անգլիական Պևենսի քաղաքի շրջակայքում:

1130 –Հարավային Իտալիան և Սիցիլիան միավորվել են՝ ստեղծելով Սիցիլիական թագավորություն:

1480 – Իսպանիայի կառավարիչներ Իզաբելլա Կաստիլացին և Ֆերդինանդ Արագոնցին Հռոմի պապ Սիքստ 4–րդի թույլտվությամբ ստեղծել են Իսպանական ինկվիզիցիան:

1590 –Հռոմի պապ Ուրբան 7–րդը վախճանվել է Պապ ընտրվելուց ընդամենը 13 օր անց:

1672 –Աֆրիկյան թագավորական ընկերությունը (Անգլիա) ստացել է Աֆրիկայի ստրուկների վաճառքի մոնոպոլ իրավունք:

1777 – Փենսիլվանիայի Լանկաստեր քաղաքը մեկ օրով դարձել է ԱՄՆ–ի մայրաքաղաք:

1818 – ծնվել է գերմանացի քիմիկոս Ադոլֆ Վիլհելմ Հերման Կոլբեն:

1821 – Մեքսիկան ձեռք է բերել անկախություն Իսպանիայից:

1821 – Ժան Ֆրանսուա Շամպոլ յոնը հայտարարել է, որ վերծանել է Ռոզետյան քարը:

1863 – Սանկտ Պետերբուրգում բացվել է Ռուսաստանում առաջին մանկապարտեզը:

1891 – վախճանվել է ռուս գրող Իվան Գոնչարովը:

1905– գերմանական «Annalen der Physik» թերթում տպագրվել է Ալբերտ Էյնշտեյնի հոդվածը, որտեղ առաջին անգամ օգտագործվել է նշանավոր E=mc2 բանաձևը:

1913– ծնվել է աշխարհի ամենանշանավոր հոգեթերապևտներից մեկը՝ ամերիկացի հոգեբան Ալբերթ Էլլիսը:

1917 –վախճանվել է ֆրանսիացի նկարիչ Էդգար Դեգան:

1931 – ծնվել է ավստրիացի երգիչ, դերասան Ֆրեդի Քուինը:

1937 –Ալբիոն քաղաքում (Նյու Յորք նահանգ) բացվել է Սանտա Կլաուսների ուսուցման առաջին դպրոցը:

1940 –Երկրորդ համաշխարհային պատերազմի ժամանակ Բեռլինում Գերմանիան, Իտալիան և Ճապոնիան ստորագրել են Եռյակ դաշինքի պայմանագիրը:

1941 –Սիրիան հայտարարվել է անկախ պետություն:

1959 – Հոնսյու կղզում տեղի ունեցած թայֆունի զոհ է դարձել 5000 մարդ:

1984– ծնվել է կանադացի հանրահայտ երգչուհի Ավրիլ Լավինը:

1990– ԽՍՀՄ–ը մտել է Ինտերպոլի մեջ:

1991 –ԽՍՀՄ Կոմերիտմիության 22–րդ արտահերթ համագումարը որոշել է դադարեցնել կազմակերպության գործունեությունը:

1993 –վրաց–աբխազական պատերազմի ժամանակ սկսվել են մարտերը Սուխումիի համար, որի արդյունքում քաղաքը անցել է աբխազների ձեռքը:

1996 –գրավելով Քաբուլը՝ թալիբները կախել են Աֆղանստանի նախկին նախագահ Մուհամեդ Նաջիբուլլային:

1998– համարվում է Google որոնողական համակարգի ստեղծման օր:

Մանրամասները՝ «Փաստ» օրաթերթի այսօրվա համարում