44-օրյա պատերազմի կամավոր մասնակից «Հայոց Արծիվներ» կամավորական մարտական հերոս ջոկատը. Արցախ, Մարտունի 2, առաջնագիծ. Խաչիկ Ասրյան

Խաչիկ Ասրյանը ֆեյսբուքյան իր էջում գրում է.

 

Հայաստանի, Արցախի և Հայ ժողովրդի դեմ թշնամի Ադրբեջանի կողմից սանձազերծված 44-օրյա պատերազմի կամավոր մասնակից «Հայոց Արծիվներ» կամավորական մարտական հերոս ջոկատը` ջոկատի չնահանջա՛ծ Հրամանատար, Գնդապետ Խաչիկ Ասրյանի գլխավորությամբ։

 

2020 թվականի սեպտեմբերի 29-ից մինչև հոկտեմբերի 29-ը «Հայոց Արծիվներ. Միասնական Հայաստան» կուսակցության «Հայոց Արծիվներ» կամավորական մարտական ջոկատը, ջոկատի Հրամանատար, Գնդապետ Խաչիկ Ասրյանի գլխավորությամբ, Արցախի Պաշտպանության Բանակի Մարտունի 2-րդ պաշտպանական շրջանի հրամանատարության ներքո, մասնակցել է Արցախի Մարտունու շրջանի առաջնագծի պաշտպանությանը՝ բարձր կարգապահությամբ և մեծ պատասխանատվությամբ իրականացնելով մարտական գործողություններ, մարտական հերթապահություն և մարտական ծառայություն՝ կյանքի գնով անառիկ պահելով Արցախի Մարտունի, Ճարտար քաղաքաներն ու հարակից գյուղերը։

 

Խոնարհումի խոսքս եմ ուղղում Հայոց Քաջերի Պանթեոնի՝ Եռաբլուրի բոլոր ննջեցյալներին՝ իմ մարտական եղբայրներին և քույրերին, ովքեր մարտիրոսվեցին հանուն Հայոց Հայրենիքի պաշտպանության և պահպանման:

 

ԱՍՏՎԱ՛Ծ, ՀԱ՛Յ ԱԶԳ, ՀԱՅԱՍՏԱ՛Ն։

 

Խաչիկ Ասրյան

«Հայոց Արծիվներ. Միասնական Հայաստան» կուսակցության Նախագահ,

«Հայոց Արծիվներ» կամավորական մարտական ջոկատի Հրամանատար,

44-օրյա, Ապրիլյան և Արցախյան պատերազմների կամավոր մասնակից,

«Մարտական Խաչ» 1-ին աստիճանի շքանշանակիր,

Գնդապետ։