Կարո՞ղ եք մեկ ակումբ նշել, որը չի երազում Հալանդի մասին․ Գվարդիոլան արձագանքել է ֆուտբոլիստի հնարավոր տեղափոխության լուրերին

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Մանչեսթեր Սիթիի» գլխավոր մարզիչ Խոսեպ Գվարդիոլան մեկնաբանել է «Բարսելոնայի» հետաքրքրությունը հարձակվող Էրլինգ Հալանդի նկատմամբ: Նորվեգացուն համարում են Ռոբերտ Լևանդովսկու հավանական փոխարինողը կատալոնացիների հարձակման գծում, գրում է ArmSport.am-ը։

Լայնորեն տարածված տեղեկությունների համաձայն՝ կատալոնական գրանդի ղեկավարությունը «երազում է» «քաղաքացիների» սուպերհարձակվողի տրանսֆերի մասին:

«Կարո՞ղ եք մեկ ակումբ նշել, որը չի երազում Հալանդի մասին: Հասկանալի է, որ «Բարսելոնան» կցանկանար նրան ձեռք բերել՝ ինչպես աշխարհի բոլոր մյուս ակումբները: Եթե Էրլինգը չխաղար մեզ մոտ, «Մանչեսթեր Սիթին» նույնպես կերազեր նրա մասին: Ինչ կլինի ապագայում՝ անկեղծ ասած, չգիտեմ: Գիտեմ միայն մեկ բան՝ նա երկարաժամկետ պայմանագիր ունի մեզ հետ:

Կարծում եմ՝ Հալանդը հիմար չէ. նա չէր ստորագրի բազմամյա պայմանագիր «Մանչեսթեր Սիթիի» հետ, եթե չցանկանար այստեղ խաղալ: Բայց սա ֆուտբոլ է. ոչ ոք չգիտի, թե ինչ կպատահի ապագայում», – Գվարդիոլայի խոսքերը մեջբերում է City Xtra-ն:

Էրլինգ Հալանդի պայմանագիրը «Մանչեսթեր Սիթիի» հետ ուժի մեջ է մինչև 2034 թվականը:

Հետևեք մեզ՝ այստեղ