Մոնակոյում հերթական անգամ կնշվի Հայաստանի Անկախության տոնը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Այս տարվա հոկտեմբերի 21-ին Մոնակոյում հերթական անգամ  տեղի կունենա Հայաստանի Անկախության տոնին նվիրված բարեգործական համերգ Վրույր  Փենեսյանի նախաձեռնությամբ , որն անցկացվելու է Ֆրանսիայում Հայաստանի Հանրապետության դեսպանատան բարձր հովանու ներքո և խոստանում է դառնալ Մոնակոյում հայկական համայնքի համար տարվա կարևորագույն մշակութային իրադարձություններից մեկը։

Միջոցառմանը  կհրավիրվեն Մոնակոյի պետական կառույցների և հայկական համայնքի ներկայացուցիչներ, ինչպես նաև տարբեր համայնքների ղեկավարներ ։ Համերգին կմասնակցեն աշխարհահռչակ հայ երաժիշտներ, որոնք Մոնակո են ժամանելու  Անգլիայից, Իտալիայից, Ավստրիայից և Ֆրանսիայից ։ Միջոցառման նպատակն է ոչ միայն համերգային ծրագրի միջոցով նշել Հայաստանի անկախության տոնը, այլև նպաստել Հայաստանի և Մոնակոյի միջև մշակութային ու հասարակական կապերի խորացմանն ու ամրապնդմանը։

Վրույր Փենեսյանի խոսքով՝ նման նախաձեռնությունները մեծ նշանակություն ունեն հատկապես Մոնակոյի նման փոքր, բայց ազդեցիկ հայկական համայնքի համար։

Հայկական համայնքը թվով գուցե մեծ չէ, բայց այն ունի իր ամուր դիրքը և մեծ ներուժը Մոնակոյի հասարակական կյանքում։ Այս միջոցառումը ևս մեկ առիթ է՝ հիշելու մեր անկախ պետության արժեքները և միաժամանակ աջակցելու հայրենասիրական ու բարեգործական նախաձեռնություններին։

Համերգը կկայանա Մոնակոյի մայր տաճարում։ Մուտքը բաց է բոլոր այն հայերի և բարեկամների համար, ովքեր կցանկանան կիսել տոնական օրը միասին և աջակցել Հայաստանի ու Սփյուռքի կապերի ամրապնդմանը։

Հայաստանի հետ նաև տնտեսապես կապ ստեղծելու համար հրավիրել ենք ներդրումային ծառայությունների մատուցման և ակտիվների հավատարմագրային կառավարման հարուստ միջազգային փորձառություն ունեցող  Wilco ընկերությանը՝ իր ծառայությունները առաջարկելու համար։

Wilco-ն կապիտալի կառավարման ընկերություն է, որն աջակցում է անհատներին և ձեռներեցներին խելամիտ կերպով  կառավարել  իրենց ունեցվածքը՝ առաջարկելով ներդրումային և ֆինանսական ծառայությունների ամբողջական փաթեթ։

Միջոցառման մանրամասները շուտով։

Հետևեք մեզ՝ այստեղ