Ինչպես արևահարվել` առանց վնասվելու

Արևայրուքը ոչ միան գեղեցիկ է, այլև կարող է վնասակար լինել: Գեղեցիկ արևայրուքի համար պետք է հետևել մի քանի կանոնների: Ստորև ներկայացնում ենք դրանք:

Արևայրուքը կարող է վնասակար լինել բաց գույն ունեցող մաշկ եւ մազեր, շատ խալեր եւ պիգմենտային բծեր ունեցող մարդկանց համար, ինչպես նաեւ նրանց, ովքեր ունեն 1.5 սմ-ից մեծ խալեր։ Նման մարդիկ հակված են այրվածքներ ստանալ, բացի այդ արևի ուղիղ ճառագայթները կարող են մի շարք հիվանդություններ առաջացնել։ Խորհուրդ ենք տալիս այդ դեպքերում օգտագործել արեւայրուքի նույն ազդեցությունն ունեցող քսուքներ:

Արագ արեւայրուք ստանալու համար նախատեսված ամենատարածված բաղադրատոմսը լողափ գնալուց առաջ մեկ բաժակ գազարի հյութ խմելն ու մաշկին ակտիվացնող միջոցներ քսելն է։ Հաճախ այդ յուղերն ու լասյոնները խթանում են մելանինի արտադրությունը. մելանինը պատասխանատու է մաշկի մուգ գունավորման համար։ Նման միջոցները հազիվ թե SPF պարունակեն, կամ այնքան քիչ են պարունակում (6-8), որ դա բավարար չէ այրվածքներից պաշտպանվելու համար։ Շոկոլադե արեւայրուք ստանալու փոխարեն՝ մաշկը կարմրում է եւ մի քանի օր կարող եք մոռանալ արեւային լոգանքների մասին։

Երբ բորբոքումն անցնում է, արեւայրուքը սկսում է երեւալ։ Բայց մաշկի շերտազատումը տեւում է 4-5 օր։ Հետո այն ձեռք է բերում իր սովորական գունավորումը։ Իսկ ինչու՞ է այդպես լինում։ Ակտիվացնող միջոցները օգտակար են միայն մաշկը արեւի ազդեցության նախապատրաստելու գործընթացում։ Բայց սովորաբար ձմռանից հետո դրանք ուլտրամանուշակագույն ճառագայթների քաղց են զգում, ինչի արդյունքում միանգամից կլանում են արեւի շողերը եւ մաշկն այրվում է։

Որոշ մարդիկ այս խնդիրը փորձում են լուծել՝ արեւայրուք ստանալով ապրիլի վերջից մայիսի սկիզբն ընկած ժամանակահատվածում` ամառանոցում կամ սոլյարիում։ Բայց առաջին 3-4 օրերի ընթացքում պետք է սահմանափակ ժամանակով մնալ լողափում։ Մաշկաբանները խորհուրդ են տվել սկսել մեկ ժամից, հետո 30 ական րոպեներով կարելի է ավելացնել արեւայրուք ստանալը։ Բացի այդ, նույնիսկ ստվերում կարելի օգտվել SPF 35 — 50 քսուքներից։ Եթե Դուք անտեսում եք պաշտպանիչ քսուքներն այն պատճառով, որ մաշկը դրանից արեւայրուք չի ստանա, ապա Դուք չարաչար սխալվում եք։ Պաշտպանիչ քսուքները հեռացնում են վնասակար ճառագայթները, իսկ օգտակարներին թույլ են տալիս ներթափանցել մաշկ։

Հայտնի է, որ ամենապայծառ եւ այրող արեւը ժամը 11 -15 է։ Այդ ժամանակ խորհուրդ է տրվում լողափում չլինել։ Բայց եթե Դուք ցանկանում եք պառկել հովանոցի տակ եւ գիրք կարդալ կամ խորհել, ապա պարտադիր է, որ երկու ժամը մեկ SPF-ով հարուստ կրեմ քսեք։ Ընդ որում, նոր քսուքները սպիրտ չեն պարունակում եւ հանքային գունանյութերով հարստացված չեն։

Ամռանը կրկնակի ավել պետք է խնամել մազերը։ Ծովի ջրից եւ արեւի ակտիվ ազդեցությունից հետո, հաճախակի լվացումները եւ վարսահարդարիչով մազերը չորացնելը հանգեցնում են նրան, որ մազերը կորցնում են իրենց գույնն ու փայլը եւ չորանում են։ Օգնության են հասնում մազերի համար նախատեսված հատուկ միջոցներ, որոնք պարունակում են ՈւՄ-զտիչներ, ինչպես նաեւ վերականգնողական եւ խոնավացնող բաղադրիչներ։ Դրանք պարտադիր պետ է քսել լողափ գնալուց առաջ եւ թարմացնել լողալուց հետո։

Արուսիկ Տիգրանյան