Հայ վաճառողների մոտ արտահանումը Wildberries հարթակում աճել է 164%-ով

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

2025 թվականի առաջին ինը ամիսների ընթացքում Wildberries առցանց հարթակում հայկական վաճառողների մոտ արտահանման ծավալը աճել է 164%-ով՝ նախորդ տարվա նույն ժամանակահատվածի համեմատ։ Այս աճը ցույց է տալիս, որ տեղական տնտեսվարողները ավելի ու ավելի ակտիվ են օգտագործում հարթակը՝ միջազգային շուկաներ դուրս գալու համար։

Լիցենզիոն վճարի նվազեցումից հետո,ինչը լրացուցիչ խթան է դարձել փոքր և միջին բիզնեսի ներկայացուցիչների համար՝ սկսել առցանց վաճառքներ և զարգացնել արտահանման ուղղությունը, առաջին երեք շաբաթների ընթացքում նոր վաճառողների գրանցումների թիվն աճել է 15%-ով։

Հայ վաճառողների ապրանքների արտահանման հիմնական ուղղությունները շարունակում են մնալ Ռուսաստանը, Բելառուսը, Ղրղզստանը, Ուզբեկստանը և Վրաստանը։ Այսպես՝ Ռուսաստանին ուղղված արտահանումը աճել է 170%-ով, Ղրղզստանին՝ 187%-ով, Ուզբեկստանին՝ 193%-ով, Բելառուսին՝ 137%-ով, իսկ Վրաստան և Տաջիկստան արտահանումը կրկնապատկվել է։

Հատկանշական է նաև աճի դինամիկան ըստ ապրանքային կատեգորիաների։ Ռուսաստանում առավել արագ աճ են գրանցել «Գեղեցկություն» (+156%) և «Սննդամթերք» (+150%) բաժինները։ Բելառուսում զգալի աճ է գրանցել «Ամեն ինչ այգեպանների համար» կատեգորիան՝ +348%։ Ղրղզստանում մեծացել է պահանջարկը կենցաղային տեխնիկայի նկատմամբ՝ +214%, իսկ Ուզբեկստանում սննդամթերքի նկատմամբ՝ +544%՝ նախորդ տարվա համեմատ։

Ընդհանուր միտումներով՝ 2025 թվականին հայկական վաճառողների արտահանման ամենապահանջված կատեգորիաներն են դարձել «Գեղեցկություն» (+156%), «Կենցաղային տեխնիկա» (+199%), «Սննդամթերք» (+156%), «Խաղային կոնսոլներ և խաղեր» (+694%) և «Ապակի և սպասք» (+204%) բաժինները։

«Wildberries-ը օրեցօր ընդլայնում է վաճառողների համար հասանելի գործիքակազմը։ Լիցենզիոն վճարի վերջին նվազեցումը ևս մեկ հաստատում է այն բանի, որ մեր ընկերությունը ձգտում է ապահովել առավել բարենպաստ պայմաններ հայ ձեռնարկատերերի համար՝ հեշտացնելով նրանց ճանապարհը դեպի միջազգային շուկաներ», — նշել է Դավիթ Միրզոյանը, Wildberries-ի տնօրենը Հայաստանում։

Արտահանման 164% աճը ցույց է տալիս, որ հայ վաճառողները վստահորեն դուրս են գալիս ներքին շուկայից՝ Wildberries հարթակը դարձնելով իսկական կամուրջ Հայաստանի և արտասահմանյան գնորդների միջև։