Ովքեր են Հայաստանի 5 խոշոր հարկատուները. որքան գումար են վճարել պետական բյուջե

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հրապարակվել է 2025 թվականի հունվար-սեպտեմբեր ամիսների ընթացքում առաջին 1000 խոշոր հարկ վճարողների կողմից վճարված հարկերի և վճարների վերաբերյալ տեղեկատվությունը։

1000 խոշոր հարկ վճարողների կողմից 2025 թվականի հունվար-սեպտեմբեր ամիսների ընթացքում պետական բյուջե ընդհանուր առմամբ վճարվել է ավելի քան 1 տրիլիոն 439 միլիարդ 339 միլիոն դրամ, նախորդ տարվա նույն ցուցանիշը կազմել է 1 տրիլիոն 323 միլիարդ 206 միլիոն դրամ, կամ ավելի է հավաքագրվել 116 միլիարդ 133 միլիոն դրամ:

ArmLur.am-ը ուսումնասիրելով վերջին մեկ տարվա ընթացքում խոշոր հարկատուների կողմից վճարված հարկերը, նկատել է, որ նախորե եռամսյակի համեմատ 2025 թվականի 3-րդ եռամսյակում Զանգեզուրի պղնձամոլիբդենային կոմբինատը կրկին ոշոր հարկատուների առաջին հնգյակում է՝ 36 մլրդ 171 մլն դրամ։

Ցանկի առաջին տեղում տեխնիկայի առևտրով զբաղվող (ներմուծող, վաճառող, արտահանող) «Մոբայլ Սենթր Արթ» ՍՊԸ-ն (Mobile Centre) է։Վճարել է 52,4 մլրդ դրամ։

3-րդ տեղում «Գրանդ տոբակո» ընկերությունն է, որը ՀՀ պետական բյուջե վճարել է 45,9 մլրդ դրամ։

Այս տարվա առաջին եռամսյակի տվյալներով Հայաստանի խոշորագույն հարկատուն  «Գազպրոմ-Արմենիա» ՓԲԸ-ն էՐ, իսկ այժմ այն ընդամենը 4-րդ հորիզոնականում է 34,8 մլրդ հարկային մուտքերով։

5-րդը Արդշինբանկն է 31,8 մլրդ հարկային մուտքերով։

Հարկ է նշել, որ Հարկային մարմին կատարված վճարումների գումարը կազմել է ավելի քան 1 տրիլիոն 178 միլիարդ 761 միլիոն դրամ, նախորդ տարվա նույն ցուցանիշը կազմել է 1 տրիլիոն 95 միլիարդ 131 միլիոն դրամ, կամ ավելի է հավաքագրվել 83 միլիարդ 630 միլիոն դրամ։

Հետևեք մեզ՝ այստեղ