Լիտվայի նախագահն առաջարկել է սահմանափակել տարանցումը Կալինինգրադ և երկարաժամկետ փակել Բելառուսի հետ սահմանը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Բելառուսից մաքսանենգների օդապարիկների սպառնալիքի պայմաններում Լիտվայի նախագահ Գիտանաս Նաուսեդան առաջարկել է երկարաժամկետ փակել սահմանը Բելառուսի հետ և սահմանափակել տարանցումը դեպի Կալինինգրադ, հաղորդում է LRT-ն։

«Նախագահը վերջին օրերին տեղի ունեցած միջադեպերն ու օդանավակայանների աշխատանքի խափանումները գնահատում է որպես Լիտվայի դեմ ուղղված հիբրիդային հարձակում, որին պետք է արձագանքել թե՛ համաչափ, թե՛ ոչ համաչափ ձևով», – կիրակի օրը BNS-ին փոխանցել է նախագահի գրասենյակը։

Հաղորդվում է, որ կառավարությունը մոտ օրերս պետք է արձագանքման տարբերակներ առաջարկի։

«Քննարկման ենթակա տարբերակների թվում են՝ Բելառուսի հետ սահմանը երկարաժամկետ փակելը և տարանցման սահմանափակումները դեպի Կալինինգրադ», – նշված է մեկնաբանության մեջ։

Երկուշաբթի նախագահը այս հարցով միջգերատեսչական խորհրդակցություն  է հրավիրելու։

Ինչպես հաղորդում է BNS-ը, ուրբաթ և շաբաթ օրերին Վիլնյուսի օդանավակայանի աշխատանքը խափանվել է Բելառուսից մաքսանենգների օդապարիկների պատճառով,  մեկ օր էլ խափանումներ են արձանագրվել Կաունասի օդանավակայանում։

Ընդհանուր առմամբ, այս շաբաթ օդային երթևեկությունը երեք անգամ խափանվել է մաքսանենգների օդապարիկների պատճառով։

Ի պատասխան այս իրավիճակներին՝ Լիտվան մի քանի անգամ ժամանակավորապես փակել է սահմանը Բելառուսի հետ։

Ինչպես գրել է BNS-ը, այն բանից հետո, երբ Լիտվան ավելի վաղ փակել էր Բելառուսի հետ սահմանային անցակետերի մի մասը, տեղադրել էր ֆիզիկական արգելապատնեշ և ուժեղացրել էր հսկողությունը, մետեոզոնդերը դարձել են թմրամիջոցների և ծխախոտի մաքսանենգ փոխադրման ամենատարածված միջոցներից մեկը։

Հետևեք մեզ՝ այստեղ