Ռուսաստանում բենզինի գները զգալիորեն նվազել են

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Հոկտեմբերի վերջին Ռուսաստանում բենզինի հիմնական տեսակները էականորեն էժանացել են։ Ըստ Պետերբուրգյան բորսայի տվյալների՝ մեկ շաբաթվա ընթացքում ԱԻ-92 տեսակի բենզինի գինը նվազել է 7,64 տոկոսով, իսկ ԱԻ-95-ինը՝ 6,32 տոկոսով։ Չնայած հոկտեմբերի 30-ին և նոյեմբերի 1-ին գրանցված կարճատև աճին՝ ընդհանուր միտումը մնում է անկման։

Նոյեմբերի 1-ի դրությամբ՝ եվրոպական Ռուսաստանի տարածաշրջանային ինդեքսով մեկ տոննա ԱԻ-92-ի արժեքը կազմել է 65 232 ռուբլի, իսկ ԱԻ-95-ինը՝ 72 960 ռուբլի։ Միևնույն ժամանակ՝ ամառային դիզվառելիքը թանկացել է 0,23 տոկոսով՝ հասնելով 58 633 ռուբլու մեկ տոննայի դիմաց, մինչդեռ միջսեզոնային և ձմեռային դիզելային վառելիքները փոքր-ինչ էժանացել են՝ համապատասխանաբար մինչև 58 231 և 76 014 ռուբլի։

Մասնագետները, սակայն, զգուշացնում են՝ բենզինի էժանացումը դեռ չի նշանակում, որ վառելիքային ճգնաժամը հաղթահարված է։ Ներքին շուկայի վրա շարունակում են ազդել ուկրաինական անօդաչուների հարձակումների հետևանքները, իսկ կառավարության կողմից երկարաձգված բենզինի արտահանման արգելքը գործում է մինչև տարեվերջ։ Պետդումայի տնտեսական քաղաքականության կոմիտեի փոխնախագահ Սերգեյ Ալտուխովը նշել է, որ ներկայիս գնանկումը ժամանակավոր բնույթ ունի, և արդեն 2026-ի սկզբին վառելիքի գները կարող են նորից բարձրանալ։

Հետևեք մեզ՝ այստեղ