«Հորեղբորս կողմի հետ, ցավոք, շփման եզրեր և պատճառներ չեմ տեսնում...». «Հարազատ թշնամի» հեռուստասերիալի Տանոն` Նարեկ Ներսիսյանը, անկեղծանում է (լուսանկարներ)

Shabat.am-ը գրում է .

Նարեկ Ներսիսյանը, հայ հանդիսատեսին առավել հայտնի դարձավ «Հարազատ թշնամի» սերիալում նկարահանվելով: Այս դերում հանդես գալով նա շատ շատերի կողմից սիրվեց, շատերի կողմից էլ քննադատվեց, կերպարը ճիշտ չմատուցելու համար:

Որոշելով թողնել հայաստանյան իր գործունեությունը՝ այսօր նա արդեն ԱՄՆ-ում է, որտեղ փորձում է էլ ավելի կատարելագործել իր գիտելիքները և կրկին նկարահանվում է հայկական արտադրության սերիալում:

Pas.am-ը ներկայացնում է սիրված դերասանի անձնական ու գործնական ոլորտներում հաջողությունների, ինչպես նաև հայտնի Ներսիսյան ազգանվան հետ բարեկամական կապերի մեջ լինելու մասին որոշ մանրամասներ:

Հայտնի դերասանը հայրենիքից հեռանալու որոշման մասին հայտնել էր դեռ «Հարազատ թշնամի» սերիալում նկարահանվելու ժամանակ: 

«Մեկնել էի Գերմանիա այլ գործով, սակայն ինձ ԱՄՆ բերեց «OCEANS 12» ֆիլմի տնօրենը, երբ նա խորհուրդ տվեց փորձել ԱՄՆ-ի տարբերակը»: Հարցազրույցների մեկի ժամանակ նշել է դերասանը:

Նա այսօր արդեն ապրում ու սեղծագործում է ԱՄՆ-ում: ԱՄՆ-ում իր գործունեության ընթացքում նա նկարահանվել է «Կտակով թագուհի» հեռուստանովելում: 

«Կան բազմաթիվ առաջարկներ ու հրավերներ, սակայն ամեն մի հրավեր ընդունելու համար պետք է երկար մտածել, մինչև այն ընդունելը»: 

««Հարազատ թշնամի» հեռուստասերիալում նկարահանվելը ինձ շատ բան տվեց: Սակայն ես հեռացա, հեռացա իմ կարիեռան ու գորշունեությունը այլ երկրում փորձելու համար»:

Գաղտնիք չէ, որ Նարեկ Ներսիսյանը վաստակավոր արտիստ Բաբկեն Ներսիսյանի թոռնիկն է, հայտնի դերասան Տիգրան Ներսիսյանի եղբոր որդին: Ինչ վերաբերվում է նրանց ընտանքիների մտերմությանը` դերասանը նշել է.

«Իսկ հորեղբորս կողմի հետ, ցավոք, շփման եզրեր և պատճառներ չեմ տեսնում հենց նրա կողմից որևէ քայլ չտեսնելու պատճառով: Սակայն դա ինձ բոլորովին չի  խանգարում. ես բոլոր հայերի պես հպարտանում և հիանում եմ Բաբկեն Ներսիսյան դերասանով: Ինչ էլ լինի, նա իր ուրույն, անկրկնելի և յուրակատուկ տեսակով առանձնանում է իր սերնդակից դերասաններից»:

«Հայտնի ազգանուն ու հայտնի մարդու թոռ լինելն ինձ կյանքում ոչինչ չի տվել, ամեն ինչի ինքնուրույն եմ հասել: Նույնիսկ դերասանների ընտանիքում ծնված լինելը չէր պատճառը, որ ինձ թատերական ինստիտուտ տարավ. այդ բուհ ընդունվելս շատ պատահական է եղել. քիչ ժամանակ ունեի ընդունելության քննություններին պատրաստվելու համար, դիմեցի թատերական ինստիտուտ և ընդունվեցի Դրամատիկ թատրոնի և կինոյի դերասանի ֆակուլտետը»: