Երևանում ալկոհոլի ազդեցությամբ մարդիկ «հարձակվում են» քաղաքացիների վրա․ ի՞նչ է անում ՆԳՆ-ն (տեսանյութ)

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Երևանի փողոցներում ոչ միայն շատացել են անտուն մուրացկանները, այլ նաև  ալկոհոլի ազդեցությամբ (ո՛չ սթափ) վիճակում մարդիկ «հարձակվում են» քաղաքացիների վրա` հայհոյում։ 

MediaHub-ն ահազանգեր է ստացել, որ Երևանում  Մետրոպոլիտենի «Երիտասարդական» կայարանի մոտակայքում մի խումբ ալկոհոլի ազդեցությամբ քաղաքացիներ կան, որոնք գրեթե ամեն օր քնում են այգում, խախտում հասարակական կարգը, մարդկանց հայհոյում, անգամ հարձակվում մարդկանց վրա։

«Չեմ կարողանում երեխայիս հետ մի փոքր ուշ ժամի անցնել այդ հատվածով, մարդկանց վրա սկսել են հարձակվել այգում քնող քաղաքացիները, ալկոհոլի ազդեցության տակ են ամեն օր։ Չես հասկանում՝ մուրացկան են, անտուն են, թե ուղակի ալկոհոլի ազդեցության տակ։ Վախենում ես քայլել այդ հատվածով, 100 ոստիկան անցնում է այդ հատվածով, պարզապես ոչինչ չեն անում»,- նշեց մեզ ահազանգած քաղաքացին։

MediaHub-ը դիմեց Երևանի Քաղաքապետարան, սակայն, մեզ նշեցին, որ նրանք այդ մասով չեն զբաղվում։

Իսկ ՆԳՆ-ից MediaHub-ին հայտնեցին․ «Եթե անձի կողմից նկատում են առերևույթ հանցագործություն կամ հասարակական կարգի խախտում, անհրաժեշտ է անմիջապես դիմել ոստիկանություն»։

Չնայած, որ Երևանի սրտում է այգին գտնվում, համալսարանների և դպրոցների կողքին, Ոստիկանության աշխատակիցներն էլ գրեթե ամեն օր այդ հատվածով, մի քանի անգամ անցնում են, հսկողություն իրականացնում, մեկ է չեն նկատում քաղաքի կենտրոնում հասարակական կարգը խախտող քաղաքացիներին կամ չեն ուզում նկատել։

Ստացվում է, որ անցորդներին հայհոյող այդ  ալկոհոլի ազդեցության տակ գտնվող մարդիկ, որ վիճաբանության բռնվեն անցորդների հետ, ու տեղի ունենա աղետալի միջադեպ նոր ոստիկանությունը կնկատի ու միջոցներ ձեռնարկի՞։

Հետևեք մեզ՝ այստեղ