Ինքնաթիռի պայթյունի հետևանքով 12 մարդ և մեկ երեխա է զոհվել․ (տեսանյութ)

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Առնվազն 12 մարդ է զոհվել երեքշաբթի երեկոյան Կենտուկի նահանգի Լուիսվիլ քաղաքի օդանավակայանից թռիչքի ժամանակ UPS բեռնատար ինքնաթիռի վթարի հետևանքով, հայտնել է նահանգի նահանգապետը։

Էնդի Բեշիրը նշել է, որ զոհերի թիվը, ենթադրաբար, կաճի, և, հավանաբար, զոհերի թվում կա առնվազն մեկ երեխա, այն բանից հետո, երբ բեռնատար ինքնաթիռը պայթեց տեղական ժամանակով ժամը 17:15-ի սահմաններում (GMT) Լուիսվիլի Մուհամմադ Ալիի անվան միջազգային օդանավակայանից մեկնելիս։

Ազգային տրանսպորտի և անվտանգության խորհրդի տվյալներով՝ թռիչքի ժամանակ ձախ շարժիչը բռնկվել և թևից ընկել է, ինչի հետևանքով խոշոր հրդեհ է բռնկվել, որի հետևանքով ծխի խիտ ամպեր են բարձրացել օդ։

Վթարի հետևանքով տասնյակից ավելի այլ մարդիկ վիրավորվել են՝ այրվածքներից և բեկորային վնասվածքներից։

Պաշտոնյաները հայտնել են, որ ողջ մնացածները միջադեպի ժամանակ ստացել են «շատ լուրջ» վնասվածքներ: Անձնակազմը դեռևս որոնում է այլ զոհերի, քանի որ մի քանի մարդ դեռևս անհետ կորած է համարվում:

Բեշիրը հայտնել է, որ ինքնաթիռի երեք անդամից բաղկացած անձնակազմը, ենթադրաբար, զոհվածների թվում է։

Նախնական հետաքննություն է ընթանում, սակայն պաշտոնյաները հայտարարել են, որ դեռ վաղ է ասել, թե ինչն է եղել վթարի պատճառը, չնայած ինքնաթիռի տեսախցիկների տեսագրություններն ու տվյալները օգնում են պարզել իրավիճակը։

Թարգմանությունը՝ Past.am-ի

Հետևեք մեզ՝ այստեղ