Վեճը վերածվել է կրակոցների. դպրոցում աշակերտների ծնողների միջև կոնֆլիկտ է սկսվել. ՏԵՍԱՆՅՈՒԹ

Լվովի թիվ 13 միջնակարգ դպրոցի բակում կրակոցներ են տեղի ունեցել , որոնց մասնակցել են երկու տարրական դպրոցի աշակերտների ծնողներ, որոնք նախկինում դասարանում կոնֆլիկտի մեջ էին մտել: Այս մասին հայտնել է Լվովի քաղաքային խորհրդի կրթության և մշակույթի վարչության տնօրեն Անդրեյ Զակալյուկը:

«Այսօր Սիխիվի թիվ 13 միջնակարգ դպրոցի բակում կրակոց է տեղի ունեցել։ Տնօրենի աշխատասենյակում խորհրդակցությունից հետո ծնողները շարունակել են վեճը լուծել ատրճանակով։ Բանավոր վեճից հետո տղամարդկանցից մեկը հանել է օդամղիչ ատրճանակ և արձակել չորս կրակոց։ Տղամարդը վերքեր է ստացել որովայնի և ոտքի շրջանում։ Դեպքի վայր է կանչվել շտապօգնություն, և իրավապահ մարմիններն արդեն արձագանքում են», - ասել է բաժնի պետը։

Նա հավելեց, որ աշակերտներից կամ ուսուցիչներից ոչ մեկը չի տուժել։

Նրա տեղեկություններով՝ տղամարդկանց երեխաները համադասարանցիներ են, սովորում են տարրական դպրոցում և դասարանում կոնֆլիկտ են ունեցել։

Զակալյուկը նշեց, որ այսօր տնօրենի գրասենյակում տեղի է ունեցել հանդիպում՝ երեխաների ծնողների և սոցիալական աշխատողի մասնակցությամբ, որպեսզի փորձեն լուծել խնդիրը։ Սակայն ծնողները չեն կարողացել համաձայնության գալ և զրույցը շարունակել են առանձին՝ բակում։

Թարգմանությունը՝ Past.am-ի