Ինչպես նվազեցնել ձմեռային կոմունալ ծախսերը

Ձմեռային ամիսներին էլեկտրաէներգիայի ծախսերը կտրուկ աճում են, հատկապես եթե բնակարանները ջեռուցվում են էլեկտրական սարքերով։ Սակայն մի քանի պարզ քայլերով հնարավոր է զգալիորեն նվազեցնել հոսանքի վճարումը՝ առանց հարմարավետությունից հրաժարվելու։

Նախ՝ կարևոր է նվազեցնել ջերմության կորուստը։ Եթե պատուհաններն ու դռները հերմետիկ չեն, ջերմությունը արագ դուրս է գալիս, և ջեռուցման սարքերը ստիպված են ավելի երկար աշխատել։ Խորհուրդ է տրվում փակել բացերը ռեզինե ժապավեններով, օգտագործել հաստ վարագույրներ կամ ջերմապահ ապակիներ։

Երկրորդ՝ պետք է ճիշտ օգտագործել ջեռուցման սարքերը։ Էլեկտրաջեռուցիչները միացրեք միայն անհրաժեշտ ժամերին, մի թողեք դրանք ամբողջ գիշեր կամ երբ տանը մարդ չկա։ Ավելի խնայող են ինվերտորային օդորակիչները, որոնք ունեն էներգախնայող ռեժիմներ։

Երրորդ՝ ուշադրություն դարձրեք էներգախնայող լամպերին։ Սովորական շիկացման լամպերը մեծ քանակությամբ հոսանք են ծախսում, մինչդեռ LED լամպերը նույն լուսավորությունն ապահովում են 4-5 անգամ քիչ էներգիայով։

Չորրորդ՝ միացրած սարքերը մի թողեք «սթենդբայ» ռեժիմում։ Հեռուստացույցները, համակարգիչները և այլ սարքերը նույնիսկ անջատված վիճակում կարող են շարունակել հոսանք սպառել, եթե վարդակից չեն հանվել։

Վերջապես՝ խորհուրդ է տրվում հիմնական էլեկտրասարքավորումները օգտագործել ոչ պիկ ժամերին, երբ հնարավոր է, քանի որ որոշ դեպքերում սակագինը կարող է լինել ավելի ցածր։

Այս պարզ քայլերը կարող են օգնել յուրաքանչյուր ընտանիքի նվազեցնել ձմեռային կոմունալ ծախսերը և խնայել ընտանեկան բյուջեն։

Նյութը հրապարակման պատրաստեց Past.am-ը