Թուրքիայում հրապարակել են Սեւ ծովում լցանավերի պայթեցման հնարավոր պատճառները

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

Նավթային երկու լցանավ, որոնք, ինչպես հավաստիացվել է, Ռուսաստանի «ստվերային նավատորմի» մի մասն են, որոնք խուսափում են պատժամիջոցներից, պայթեցվել են Սեւ ծովի թուրքական ափին, գուցե ականներով, անօդաչուներով կամ հրթիռներով, հայտնել են Թուրքիայում։

«Kairos» եւ «Virat» լցանավերը պայթեցվել են մեկը մյուսի հետեւից ուրբաթ ուշ գիշեր, սկսվել են փրկարարական գործողություններ։ Տեղեկացվել է, որ երկու նավերի անձնակազմի անդամները անվտանգ վիճակում են։

Թուրքիայի տրանսպորտի եւ ենթակառուցվածքի նախարար Աբդուլքադիր Ուրալօղլուն հայտնել է, որ փրկարարական ծառայությունները սկզբում տեղեկություններ են ստացել այն մասին, որ «Kairos»-ը, գուցե, պայթել է ականից, հետո տեղեկացվել է «Virat» լցանավի պայթյունի մասին։

«Մեր անձնակազմերը նշել են, որ պայթյուններ են տեղի ունեցել մեկ այլ նավի վրա, եւ որ դրանք նույնպես առաջացել են արտաքին միջամտության հետեւանքով»,- ասել է Ուրալօղլուն NTV-ի հարցազրույցում։

«Արտաքին միջամտության վերաբերյալ առաջին բանը, որ մտքիս է գալիս, ականն է, հրթիռը, ռազմածովային նավը կամ անօդաչու թռչող սարքը։ Մենք այս հարցի վերաբերյալ ճշգրիտ տեղեկություն չունենք»,- ավելացրել է թուրք նախարարը։

Ավելի ուշ նա լրագրողներին ասել է, որ «Virat» լցանավի կապիտանը աղետի ազդանշան է ուղարկել «անօդաչու թռչող սարքի հարձակման» վերաբերյալ։

Նա հայտնել է, որ միջադեպերը տեղի են ունեցել Թուրքիայի բացառիկ տնտեսական գոտում։ Ուրալօղլուն նշել է, որ թուրքական իշխանությունները կապի մեջ են իրենց գործընկերների հետ՝ կդրանց րկնությունը կանխելու եւ նավագնացության անվտանգությունն ապահովելու համար։

Հետևեք մեզ՝ այստեղ