20 ամսում 120 կգ նիհարելուց հետո աղջիկը երազում է նորից 170 կգ դառնալ (լուսանկարներ)

ԼԱՅՖ 12 Փետրվար, 2016 4:02

Ճարպակալմամբ տառապող բազում մարդիկ կերազեին Ամելիա-Ջեյն Հարիսի չափ նիհարել, սակայն 20-ամյա Ամելիան բնավ էլ գոհ չէ իր արձանագրած արդյունքից։ Նա ասում է, որ իր երազած մարմինն իսկական մղձավանջ է դարձել իր համար։ Նա տառապում է Քրոնի հիվանդությամբ։

Amelia-Jane Harris, 20, used to weight 27st 10lbs and was bullied at school and called Fatty Bum Bum

She developed Crohns disease and lost 18 stone in 20 months to become a slim size six

Հարիսը 20 ամսում 115 կգ նիհարեց հիվանդության հետևանքով. նա շարունակ փսխում էր ընդունած սննդամթերքը ու տառապում սուր աղիքային ցավերից։ Ամենագեր ժամանակ նա 175 կգ էր կշռում ու կրում 32 չափսի հագուստ։ Նա երազում էր կիպ զգեստներ կրել, սակայն նրա կառուցվածքը նրան թույլ չէր տալիս հագնվել սրտի ուզածի պես։ Այժմ Հարիսը 55 կգ է կշռում ու կրում է 6 չափսի հագուստ։ Նա երազում է նորմալ սնվելու մասին, թեկուզև դրա համար պետք լինի վերադառնալ նախկին չափսին։

Նա չի կարողանում վայելել ճաշատեսակները, ու սնվելն իսկական տառապանք է նրա համար։ Նա այնքան թերսնված է, որ չի կարողանում աշխատել։ Նրա եղունգները, հոնքերն ու մազերը պարբերականորեն թափվում են։ Աղջկա հիվանդությունից անտեղյակ մարդիկ գեղեցիկ կազմվածքի մասին հաճոյախոսություններ են անում նրան՝ անգամ չկասկածելով, թե ինչ դժոխքի միջով է նա անցնում ամեն անգամ սնվելուց հետո։ Մի հարցազրույցի ընթացքում Հարիսն ասել է.

«Երբեմն ես շատ սուր ստամոքսի կծկումներ եմ ունենում, սակայն նաև բութ ցավեր եմ ունենում, որոնք ոչ մի կերպ չեն անցնում։ Ես այլևս հաճույք չեմ ստանում սննդից։ Սնվելն ասես դարդ լինի ինձ համար, քանի որ ես գիտեմ, որ սննդամթերքը ցավեր է առաջացնելու ինձ մոտ։ Առողջ սնունդ ուտելն անիմաստ է թվում, քանի որ ես միևնույնն է չեմ մարսում այն։ Ես մի կերպ դիմանում եմ հիվանդությանն ուժեղ ցավազրկողների միջոցով, բայց սա ասես իսկական անեծք լինի։ Ես ողջ կյանքիս ընթացքում ստիպված եմ լինելու դեղորայք ընդունել»։

Հարիսն անհոգ մանկություն է ունեցել ու ավելորդ քաշի խնդիրներով չի տառապել, սակայն պատանեկության տարիներին նա սկսեց աստիճանաբար գիրանալ, թեպետ նրա սննդակարգում ոչ մի փոփոխություն չի կատարվել։ 14 տարեկանից աղջկան սկսեցին ծաղրել՝ անվանելով «հաստաքամակ»։ Հարիսը կորցրեց իր ինքնավստահությունն ու բարդույթավորվեց։ Դպրոցում նա դեռ առողջ էր սնվում, սակայն քոլեջ ընդունվելուց հետո նա այնքան էր զզվել անկիրթ շրջապատի արձագանքներից, որ արդեն թքած ուներ նրանց վրա ու ուտում էր սրտի ուզածը։ Նա հաշտվել էր այն մտքի հետ, որ ինքը գեր է, սակայն իր 17-րդ տարեդարձից առաջ նա ծանր հիվանդացավ։

Ես օրը 10 անգամ փսխում էի ու չէի կարողանում որևէ բան մարսել։ 20 ամսում ես 115 կգ նիհարեցի։ Ես բան չէի հասկանում ու սարսափահար էի։

Before being diagnosed with Crohns disease, Miss Harris had four jobs. Now, she is so tired she cannot work.

She said: I know it sounds unbelievable, but Id give anything to be 27 stone again

Քաշի անակնկալ կորուստը լուրջ մտահոգության տեղիք էր տվել աղջկան, ու նա որոշեց բժշկի դիմել։ Պարզվեց, որ նա տառապում է Քրոնի հիվանդությամբ, որի դեպքում մարսողական համակարգը բորբոքվում է։ Ցավոք, ներկայումս այս հիվանդությունն անբուժելի է։ Նա ամեն օր բռով դեղ է ընդունում, ինչն ընդամենը մեղմում է վիճակը։ Եթե հիվանդության սրացումներ չկան, Հարիսը օրը 70 հաբ է ընդունում, սակայն սրացումների դեպքում այս թիվը կարող է հատել հարյուրի սահմանը։ Նա մարսում է իր կերածի ընդամենը 10 տոկոսը։ Նա անգամ ջուրն է դժվարությամբ մարսում։

«Գիտեմ, որ սա անհավատալի է թվում, սակայն ես ինչ ասես, որ չէի զոհաբերի կրկին 170 կիլոգրամ լինելու համար։ Անցյալ տարի այս ժամանակ ես միանգամից 4 աշխատանք ունեի, սակայն հիմա չափից ավելի թույլ եմ, որպեսզի կարողանամ աշխատել։ Մազերս այնքան շատ են թափվում, որ ես ողջ ամառ ստիպված էի կեղծամ կրել, ինչը շոգացնում էր, քոր ու անհարմարության զգացողություն առաջացնում։ Ես անգամ հոնքերիցս զրկվեցի, ինչի արդյունքում այլմոլորակայինի նմանվեցի։ Ես չեմ կարող ընկերներիս հետ գնալ որևէ համեղ բան ուտելու, որովհետև դրանից հետո կվատանամ»։

Դժբախտաբար, աղջկա քաշը դեռ շարունակում է նվազել, ու բժիշկները գլուխ չեն հանում, թե ինչու նրա քաշը մինչ այժմ չի կայունացել։ Հավանականություն կա, որ նրան նորից հիվանդանոց կտեղափոխեն, սակայն Հարիսը չի ուզում վերադառնալ հիվանդանոցային ռեժիմին։ Նա շարունակ աղոթում է, որ բժիշկները գտնեն իր խնդրի լուծումը, նախքան դրա համար չափազանց ուշ կլինի։ Առողջություն մաղթենք այս երիտասարդ աղջկան ու մենք էլ միանանք նրա աղոթքին։