Գերմանիան շահագրգռված է Եվրոպայի հետ Հայաստանի մերձեցմամբ․ Մերց
ՄԻՋԱԶԳԱՅԻՆՍեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին
Գերմանիան մեծապես շահագրգռված է Եվրոպայի հետ Հայաստանի մերձեցմամբ, «Արմենպրես»-ի փոխանցմամբ՝ վստահեցրել է Գերմանիայի կանցլեր Ֆրիդրիխ Մերցը ՀՀ վարչապետ Նիկոլ Փաշինյանի հետ մամուլի ասուլիսում՝ անդրադառնալով հարցին, թե արդյոք Գերմանիան պատրա՞ստ է աջակցել Հայաստանի համար ԵՄ խորքային ինտեգրման նոր հնարավորությունների ստեղծմանը՝ այդ թվում՝ տնտեսական, էներգետիկ և ինստիտուցիոնալ ոլորտներում։
«Մենք մեծ շահագրգռվածություն ունենք Եվրոպայի հետ Հայաստանի մերձեցմամբ։ Կոնկրետ նախագծերի շուրջ պայմանավորվածություն ունենք, Գերմանիան կօգնի Հայաստանին նաև մի շարք նախագծերում էներգամատակարարման ոլորտում ՝ այս ոլորտում ավելի մեծ անկախության հասնելու համար»,-ասել է Մերցը։
Նա նշել է, որ Փաշինյանի հետ խոսել են այդ մասին, ձեռք են բերել համապատասխան համաձայնություններ, որոնք նաև գրավոր արտահայտություն են ստացել։ Երկկողմ համաձայնություն կա մոտակա տարիներին սերտորեն աշխատել միասին. «Ադրբեջանի հետ խաղաղությունից հետո պատմական շանս կա լայն, կայուն և եվրոպական հիմքի վրա դնել այս գործընթացը»։
Ըստ Մերցի՝ Եվրոպան նույնպես մեծ գրավչություն ունի Հարավային Կովկասի տարածաշրջանի երկրների համար։
Հետևեք մեզ՝ այստեղ



