Մենք ունենք պետություն հայ-ռուսական հարաբերությունների շնորհիվ. Մհեր Ավետիսյան

 Մեր ժողովրդի բոլոր ձեռքբերումները, որոնք այսօր մենք ունենք՝ տնտեսական, քաղաքական, մշակութային, բոլորը կապված են հայ-ռուսական հարաբերությունների հետ։

Այսօր տնտեսական առումով երկիրը զարգանում է հայ-ռուսական հարաբերությունների շնորհիվ.

 Մեր մշակույթը զարգացել է հայ-ռուսական հարաբերությունների շնորհիվ.

 Մենք ունենք պետություն հայ-ռուսական հարաբերությունների շնորհիվ.

 Բոլոր մեր ձեռքբերումները հայ-ռուսական հարաբերությունների շնորհիվ են,

իսկ բոլոր թերությունները և կործանումները, կորուստները դեպի Արևմուտք գնալու մեր ժողովրդի կամ քաղաքական էլիտաների ցանկության պատճառով։

Սա պարզ, հասկանալի, երևացող իրականություն է, մնում է հասկանալ այս ամենը, տեսնելով, գիտակցելով՝ ինչո՞ւ ենք դարձյալ շարունակում ձգտել դեպի Արևմուտք, ինչո՞ւ ենք ինքներս մեր և մեր ժողովրդի, մեր պետականության համար պրոբլեմներ ստեղծում Արևմուտք գնալով, երբ ընդամենը պետք է պահպանել հայ-ռուսական հարաբերությունները, կանգնել Ռուսաստանի կողքին, ուժեղացնել մեր պետությունը, սկսել ավելի լավ ապրել և ավելի արդար ու բարեկեցիկ պետություն կառուցել։

 

 Անկեղծ ասած, ժողովրդական լեզվով ասած՝ չեմ կարողանում հասկանալ՝ ինչո՞ւ ենք մենք ուզում գնալ Արևմուտք, ի՞նչ է տալու մեզ Արևմուտքը․․․

Եթե ռուսների հետ ընկերությունից մենք միայն օգտվել ենք և շարունակում ենք օգտվել, եթե ռուսները լավ ընկեր են մեզ համար, ինչո՞ւ ենք մենք ուզում փչացնել այդ ընկերությունը և գնալ ընկերություն անել ռուսների մահը ցանկացող, ռուսներին սպանել ցանկացող Արևմուտքի հետ, լավ հասկանալով, որ այդ ընկերությունը Արևմուտքի հետ մեզ որևէ օգուտ չի տալիս, միայն գլխացավանք և խնդիրներ է ստեղծում մեր համար։