ԵՄ-ն համաձայնել է ուսումնասիրել սառեցված ռուսական ակտիվների հաշվին Ուկրաինային ֆինանսավորելու տարբերակը

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

ԵՄ-ն համաձայնել է մշակել Ուկրաինային սառեցված ռուսական ակտիվների միջոցով ֆինանսավորելու, այլ ոչ թե՝ ԵՄ համատեղ վարկի տարբերակը։ Դրա մասին հայտարարել է Լեհաստանի վարչապետ Դոնալդ Տուսկը։

«Մենք, անշուշտ, մոտ ենք առաջընթացին, և առաջընթացը նշանակում է, որ բոլորը համաձայն են, որ արժե փորձել, և որ ռուսական ակտիվների օգտագործումը Ուկրաինայի համար արդարացված և օգտակար կլինի Եվրոպայի համար, սակայն որոշ երկրներ մինչև վերջ կպայքարեն իրենց երաշխիքները մեծացնելու համար»,- ասել է Տուսկը։

Երկրորդ տարբերակը, որի դեպքում Եվրոպան համատեղ գումար է վերցնում և տրամադրում Ուկրաինային, «ԵՄ հիմնական երկրների շրջանում խանդավառություն չի առաջացնում»,- պարզաբանել է Տուսկը։

«Մենք նախընտրում ենք քննարկել ռուսական ակտիվների վրա հիմնված փոխհատուցման վարկը և ձգտել երաշխիքներ տրամադրել ամենախոցելի երկրներին, ինչպիսին է Բելգիան, որպեսզի նրանք զգան, որ այդ երաշխիքները լուրջ են»,- պարզաբանել է Լեհաստանի վարչապետը։

Նա խոստովանել է, որ առջևում դեռ շատ ժամեր կան «ավելի տեխնիկական քննարկումների համար»։

ԵՄ առաջնորդների սառեցրած ռուսական ակտիվների ճակատագիրը որոշելու վերաբերյալ մանրամասն տեղեկությունների համար կարդացեք մեր կայքում զետեղված հոդվածը։

Հետևեք մեզ՝ այստեղ