Քաղցկեղի առաջին նշանը կարելի է գտնել բարձի վրա

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Մեծ Բրիտանիայի Ազգային առողջապահական ծառայության (NHS) հետազոտողները հայտարարել են, որ քաղցկեղի առաջին ախտանիշներից մեկը կարելի է հայտնաբերել՝ քնելուց հետո բարձը ստուգելով՝ պարզելու համար, թե արդյոք այն խոնավ է։ 

Նշվում է, որ այն մարմինը, որում առկա է կազմավորումը, անմիջապես արձագանքում է քրտնարտադրության ավելացմամբ։

«Մարդկանց մեծ մասը գիշերը քրտնում է։ Այնուամենայնիվ, եթե դուք պարբերաբար արթնանում եք թաց սավաններով և բարձերով, պետք է դիմեք ընտանեկան բժշկի։ Գիշերային քրտնարտադրությունը տեղի է ունենում, երբ դուք այնքան շատ եք քրտնում, որ ձեր գիշերանոցն ու անկողնային պարագաները թրջվում են, նույնիսկ եթե դուք քնում եք զով տեղում»,_նշել է ԱՆՀ-ն։

Հոդվածի հեղինակը շեշտում է, որ աշխարհի ամենամեծ անկախ քաղցկեղի հետազոտական ​​կազմակերպություն՝ Cancer Research UK-ը, քաղցկեղի վաղ ախտանիշների շարքում ներառել է «շատ ուժեղ գիշերային քրտնարտադրությունը»։

Ազգային առողջապահական ծառայությունը հավելել է, որ քաղցկեղի որոշակի տեսակներ կարող են հանգեցնել չափազանց քրտնարտադրության՝ երիկամների քաղցկեղ, մանրէային բջիջների ուռուցքներ, մեզոթելիոմա, լեյկեմիա, վահանաձև գեղձի առաջադեմ մեդուլյար քաղցկեղ, կարցինոիդային ուռուցքներ, Հոջկինի լիմֆոմա, ոսկրային քաղցկեղ, ոչ Հոջկինի լիմֆոմա և շագանակագեղձի քաղցկեղ:

Սակայն բժիշկները ընդգծում են, որ չափազանց քրտնարտադրությունը պարտադիր չէ, որ վկայի քաղցկեղի մասին. այն կարող է բնորոշ լինել դաշտանադադարին, վարակիչ հիվանդություններին կամ զարգանալ որոշակի դեղամիջոցների նկատմամբ ռեակցիայի տեսքով։

Ազգային առողջապահական ծառայությունը շեշտել է, որ եթե դուք նկատում եք որևէ ախտանիշ, կարևոր է անմիջապես դիմել բժշկի և անցնել հետազոտություն, այլ ոչ թե փորձել ինքներդ ախտորոշել։

Թարգմանությունը՝ Past.am-ի

Հետևեք մեզ՝ այստեղ