Ինչ հեռախոսներ են օգտագործում տարբեր երկրների նախագահները

ԱՄՆ

Տարիներ շարունակ աշխարհի առաջնորդները բացի BlackBerry-ից ոչինչ չէին օգտագործում, որպեսզի էլեկտրոնային նամակները կարդալու հնարավորություն ունենան անգամ այն ժամանակ, երբ համակարգչի մոտ չեն։ Այդ սովորությունը դեռ պահպանվել է Բարաք Օբամայի մոտ և BlackBerry-ն մինչ օրս նրա սիրելի հեռախոսային բրենդն է։ Այսօր նա օգտագործում է ԱՄՆ-ի Ազգային անվտանգության գործակալության կողմից հատուկ հզորացված մոդել, որը բավականին հետաքրքիր պատմություն ունի։ ԱՄՆ-ի 44-րդ նախագահը բառացիորեն ստիպված է եղել պատերազմել հանուն իր հեռախոսի պահպանման։ Չնայած փաստաբանների և նախագահի ադմինիստրացիայի առարկություններին մոդելի չպաշտպանված լինելու մասին՝ նա հայտարարեց. «Ես դեռևս կապված եմ իմ BlackBerry-ի հետ, դուք ստիպված եք այն թաքուն խլել ինձանից»։ Դրանից հետո նախագահին թույլ տվեցին օգտագործել մոդիֆիկացված BlackBerry՝ ավելի հզոր պաշտպանությամբ։ Անցյալ տարի երիտասարդների մի խմբի հետ հանդիպման ժամանակ նա հայտարարեց, որ անվտանգության նկատառումներից ելնելով իրավունք չունի iPhone օգտագործել։

Գերմանիա

Անգելա Մերկելն օգտագործում է Nokia 6260 Slide։ Նրա այդ  հեռախոսը դարձավ ամենաքննարկվող հեռախոսը գլոբալ քաղաքականության մեջ այն բանից հետո, երբ լուր տարածվեց որ ԱՄՆ-ի Ազգային անվտանգության գործակալությունը գաղտնալսում է այն։ Բայց բարեբախտաբար Մերկելը ունի 2 հեռախոս, որոնք օգտագործում է միաժամանակ։ Գաղտնալսվող Nokia-ն Մերկելն օգտագործում է կուսակցական գործերի համար, իսկ պետական գործերի համար նա օգտագործում է BlackBerry Z10, որը հագեցած է Secusmart-ի կոդավորող չիպերով։

Ռուսաստան

 

Ռուսաստանի նախագահ Վլադիմի Պուտինը հայտնի է իր պնդմամբ, որ չի օգտագործում բջջային հեռախոս՝ ի հեճուկս Մեդվեդևի, ով աչքի է ընկնում Apple-ի արտադրանքների հանդեպ տածած տենդագին սիրով։ Ի դեմ Մեդվեդևը iPhone 4-ի առաջին օգտագործողներից էր։ Այդ հեռախոսը նրան անձամբ Ջոբսը նվիրեց դեռ այն ժամանակ, երբ մոդելը դեռևս մասսայական արտադրության չէր դրվել։ 2006 թ-ին Պուտինը հայտարարեց, որ շատ բջջային հեռախոսներ ունի, բայց ոչ մեկը չի օգտագործում, քանի որ ժամանակ չունի, իսկ 2010թ-ին նա հայտարարեց, որ հեռախոս ընդհանրապես չունի։ «Եթե ես ունենայի հեռախոս, այն ամեն վայրկյան կզանգեր»,-ասել է Պուտինը։

Ֆրանսիա

Ֆրանսիայի նախագահ Ֆրանսուա Օլլանդը և իր iPhone 5-ը անբաժանել են։ Նրա այս հեռախոսը միայն անձնական օգտագործման համար է։ Իսկ գործնական շփումները նա իրականացնում է գերապահով և գերժամանակակից Teorem հեռախոսի միջոցով։ Ի դեպ նա այս հեռախոսը օգտագործում էր դեռևս այն բանից առաջ, երբ Էդուարդ Սնոուդենի հայտարարեց, որ ԱՄՆ-ի Ազգային անվտանգության գործակալությունը գաղտնալսում է Ֆրանսիայի քաղաքացիներին։ Ի դեպ այդ հայտարարությունից հետո էր, որ Ֆրանսիայի կառավարությունը ստիպված եղավ արգելել Կառավարության անդամներին սմարթֆոններից ու պլանշետներից օգտվել։ Իսկ Օլանդի նախորդը՝ Սարկոզին, անդրդվելի էր։ Teorem-ը ըստ նրա շատ մեծ էր ու անհարմար։ Սարկոզին երկար չմտածեց այս հեռախոսից հրաժարվելու մասին և հայտարարեց, որ ինքը չի կարող 30 վայրկյան սպասել մինչև զանգը գնա։ Սարկոզին, ով BlackBerry-ից կախվածություն ուներ, կարծես չէր էլ մտահոգվում կիբերանվտանգության խնդիրներով։

Հյուսիսային Կորեա

Հյուսիսային Կորեայի առաջնորդը սիրում է իրեն շրջապատել գաղտնիության շղարշով և նրա մասին որևէ ինֆորմացիա ստանալը ավելի քան բարդ է։ Այնուամենայնիվ խոսակցությունները Կիմ Չեն Ընի բջջային հեռախոսի մասին սկսվեցին, երբ նրան լուսանկարեցին Ազգային անվտանգության նիստի ժամանակ 2013-ի հունվարին։  Նրա ձեռքին թայվանական արտադրության HTC էր։ Այդ պահից ի վեր այլ հեռախոս նրա մոտ չի նկատվել։

Իտալիա

Իտալիայի վարչապետ Մատեո Ռենզին ավելին է քան iPhone-ի շարքային օգտատերը։ Նա Apple-ի իսկական նվիրյալ է ու անգամ հրապարակել էր նկար Аpple-ի լոգոյի հետ ընկերության գրասենյակում։ Երբ Սթիվ Ջոբսը մահացավ, Ռենզին  գրեց իր ֆեյսբուքյան պատին՝ մեր ժամանակների Լեոն արդո Դավինչին։

Հայաստան

Սերժ Սարգսյանի մտերիմների շրջանում անցկացված հարցախույզը ցույց տվեց, որ ՀՀ նախագահը բջջային հեռախոս չի օգտագործում։