Նոր հեռուստատեսային նախագիծ՝ «Լուսե». սյուժեի հիմքում պետական դավաճանnւթյան դեմ պայքարն ու երեխաների շաhագnրծման թեման է

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին 

Դերասան, պրոդյուսեր Աշոտ Տեր Մաթևոսյանը շուտով հեռուստադիտողին կներկայացվի նոր հեռուստատեսային նախագիծ՝ «Լուսե», որը սոցիալական ուղղվածություն ունեցող դրամատիկ պատմություն է։

Tert.am Life-ի հետ զրույցում Աշոտ Տեր Մաթևոսյանը պատմել է սերիալի առաջին մանրամասները: Tert.am Life-ը ներկա է եղել նաև ափսեն կոտրելու արարողությանը:

«Նախագիծն անվանվել է գլխավոր հերոսուհու անունով և անդրադառնում է մի շարք հրատապ հասարակական խնդիրների։

Սերիալի սյուժեի առանցքում երեք հիմնական թեմա է՝ պետական դավաճանության դեմ պայքարը, երեխաների շահագործման խնդիրը, մասնավորապես՝ մուրացկանության մեջ նրանց ներգրավելու երևույթը, ինչպես նաև սերիալին ուղեկցող սիրային գծերը։ Պատմությունը ներկայացվում է լարված իրադարձությունների և դրամատիկ զարգացումների միջոցով»,- պատմեց Աշոտ Տեր-Մաթևոսյանը:

Սցենարի հեղինակներն են Հասմիկ Մանգասարյանը և Դիանա Մարդանյանը։

Դերասանական կազմում ընդգրկված են ինչպես փորձառու, այնպես էլ երիտասարդ դերասաններ։ Փոքրիկ հերոսուհու դերը մարմնավորում է դերասան Սամվել Թոփալյանի դուստրը՝ Արփեն Թոփալյանը:

Երիտասարդ դերասանների շարքում են Էլեն Սաֆարյանը և Նորիկ Արզումանյանը։ Սերիալում խաղում են նաև Դավիթ Հակոբյանը, Աշոտ Տեր-Մաթևոսյանը, Սոֆյա Պողոսյանը, Թամարա Գևորգյանը, Մուրադ Նադիրյանը։ Նախագծում ներգրավված են նաև թատերական բուհերի ուսանողներ, այդ թվում՝ Էլեն Ղալչյանը։

«Նկարահանումներն արդեն մեկնարկել են և շարունակվում են։ Տոներից հետո աշխատանքային գործընթացը վերսկսվում է ամբողջական ծավալով։

Սերիալի պրեմիերան նախատեսվում է մոտավորապես երկու ամսվա ընթացքում։

«Լուսե» սերիալը արտադրվում է Armflix հարթակի համար։ Այն կհեռարձակվի նաև Հայաստանում՝ «Նոր Հայաստան» հեռուստաալիքով, ինչպես նաև Ամերիկայում՝ ARPN TV-ով»,- նշեց դերասանը:

Նախագծի ստեղծագործական խմբի խոսքով՝ սերիալը նպատակ ունի ոչ միայն պատմել գեղարվեստական պատմություն, այլ նաև ուշադրություն հրավիրել հասարակության մեջ առկա սոցիալական խնդիրների վրա։

Հետևեք մեզ՝ այստեղ