Սոֆի Դևոյանի ընտանիքը (ֆոտոշարք)

Wnews.am-ը ներկայացրել է պարուհի, պարուսույց, դերասանուհի, ՀԽՍՀ եւ ՀՀ վաստակավոր արտիստ, Մովսես Խորենացու անվան մեդալակիր Սոֆի Դեւոյանի գեղեցիկ ընտանիքը։

Պարուհու երկրորդ ամուսինը՝  Մարտիրոսը, իր եղբոր ընկերն է։ Նա մասնագիտությամբ երաժիշտ է։

Սոֆի Դեւոյանն ու ամուսինը միասին են հիմնել «Պարի եւ Հոգու թատրոնը»։

«Մարտիրոսը շատ յուրահատուկ երաժիշտ է, յուրահատուկ ձևով է նվագում կիթառ: Ինքը կիթառով այլ գործիքներ էլ է նվագում, նա այնպիսի ձայներ էր ստեղծում կիթառով, որ եթե չտեսնեիք, չէիք տարբերի, որ դա, ասենք, քյամանչա չէ»,-հպարտությամբ ասում է տիկին Դեւոյանը։

Տիկին Դեւոյանն ու ամուսինը միասին են ավելի քան քսան տարի։

Ինչպես իրենք են նշում, իրենց  տան հաջողությունը նրանում է, որ  մրցակցություն չկա: Դա է պատճառը, որ այսքան տարիներ  միասին են ու երբեք չեն վիճում։

Ըստ Սոֆի Դեւոյանի ամուսնու՝ հիմար է այն տղամարդը, ով չի լսում խելացի կնոջը։

Սոֆի Դեւոյանն առաջին ամուսնուց՝ հայտնի բժիշկ Գեորգի Կիմիչից ունի որդի՝ Հովհաննեսը։

Նա նաեւ լավ սկեսուր ու տատիկ է։ Նրա հարսը սիրված երգչուհի Զարուհի Բաբայանն է։

«Ես հիմա չեմ պատկերացնում, ուրիշ ով պետք է լիներ իմ հարսը, ինքն էլ է արվեստի մեջ, մեզ իրար հետ հետաքրքիր է, մենք շատ համերգներ ենք տվել միասին»,-հարսիկի` Զարուհի Բաբայանի, մասին է պատմում տիկին Դևոյանը:

Սոֆի Դեւոյանի թոռնիկը՝ կրտսեր Սոֆի Դեւոյանը, եւս պարում է. « Թոռնուհիս սիրում է պարը, ինչի համար շատ ուրախ եմ»,- խոստովանում է տիկին Դեւոյանը:

Սոֆի Դեւոյանը, ով ջանասիրաբար աշխատում է «Պարի եւ Հոգու թատրոնում»և նկարահանվում է ֆիլմերում, նշում է, որ իր կյանքում առաջին տեղում ընտանիքն է.

«Սիրում եմ տանը թոռներիս հետ լինել, նրանց առավոտյան արթնացնել ու դպրոց ճանապարհել: Նրանք կիթառի, բռնցքամարտի, պարի, անգլերենի պարապմունքների են հաճախում: Մենք տարիներ շարունակ միասին ենք ապրում: Երբ Զարուհիս հյուրաախաղերով Հայաստանում չի լինում, ավելի մեծ ուշադրությամբ եմ զբաղվում երեխաներով: Որքան շատ են գործերս, այնքան ավելի շատ բան եմ հասցնում անել»,- ասում է նա: