Աշխարհի ամենամեծ հարսանեկան զգեստը, որը պատրաստվել է 3 տարում, կազմված է մոտ 1 մլն ուլունքից (լուսանկարներ)
ԼԱՅՖԱշխարհի ամենամեծ ուլունքապատ հարսանեկան զգեստը` 181 կգ քաշով ու 7 մետր երկարությամբ, իրականում որևէ հարսնացու չի կարողանա կրել:
Ինչպես ներկայացնում է Daily Mail-ը` Մինեսոտա նահանգի Էդինա քաղաքում բնակվող դիզայներ Գեյլ Բին հարսանեկան զգեստն ստեղծելու համար 3 տարի է աշխատել և հայտնում է, որ վերջապես պատրաստ է ներկայացնել այն: Հագուստի դիզայները զգեստը նկարագրում է որպես «արվեստի գործ»:
57-ամյա Գեյլը, ով իր «փայփլուն գլուխգործոցն» ստեղծել է 27 այլ դերձակուհու օգնությամբ, ասում է, որ այն վերջնական պատրաստ կլինի դեկտեմբերին: Զգեստը կազմված է 995 000 ապակե և բյուրեղյա ուլունքից, որոնք բերել է աշխարհի տարբեր անկյուններից:







