Ադրբեջանում «Իuլամական պետnւթյան» աhաբեկիչներ են ձերբակալվել

Սեղմեք ԱՅՍՏԵՂ, լրացրեք օնլայն հայտը և մոռացեք հոսանքի վարձի մասին

«Իսլամական պետության» երեք ահաբեկիչներ Բաքվում Իսրայելի դեսպանատան վրա հարձակում են պլանավորել, հայտնել է
Ադրբեջանի անվտանգության ծառայությունը։

Կասկածյալները ձերբակալվել են:

Ադրբեջանի հատուկ ծառայությունները որոշ ժամանակ հետևել են նրանց, իսկ այսօր առավոտյան՝ ձերբակալել, երբ նրանք արդեն ուղևորվել են դեսպանատուն:

Պետական ​​անվտանգության ծառայության կողմից իրականացված քննչական գործողությունների ընթացքում առաջացել են հիմնավոր կասկածներ, որ Ադրբեջանի Հանրապետության քաղաքացիներ՝ 2000 թվականին ծնված Իլգար Իլհամ օղլու Գուլիեւը, մականունը՝ «Աբու Զար ալ-Մուհաջիր», 2005 թվականին ծնված Ամին Էլշադ օղլու Փիրիեւը, մականունը՝ «Աբդուրաշիդ», և 2005 թվականին ծնված Էլվին Սանան օղլու Ալիզադեն, մականունը՝ «Աբդուրահման ալ-Ազերի», պատրաստվել են կրոնական ատելության հողի վրա ահաբեկչական հարձակում իրականացնել Բաքվում օտարերկրյա դեսպանատան դեմ։

Անձինք, որոնք հանցավոր հարաբերությունների մեջ են մտել ԻՊ-ի «Վիլայաթ-ի-Խորասան» զինված խմբավորման անդամների հետ և որպես խումբ նախապես դավադրություն էին կազմակերպել դեսպանատան դեմ՝ ահաբեկչական հարձակում իրականացնելու համար, ձերբակալվել են Պետական ​​անվտանգության ծառայության աշխատակիցների կողմից՝ դեսպանատան տարածքին մոտենալիս։

Այս միջադեպի կապակցությամբ Իլգար Գուլիեւին, Ամին Փիրիեւին և Էլվին Ալիզադեին մեղադրանք է առաջադրվել Ադրբեջանի քրեական օրենսգրքի 28-րդ, 214.2.1-րդ, 28-րդ, 214.2.3-րդ և 28-րդ, 214.2.6-րդ հոդվածներով (կրոնական ատելության հողի վրա նախապես դավադրության մեջ ներգրավված անձանց խմբի կողմից ահաբեկչական գործողությունների նախապատրաստում՝ որպես զենք կիրառվող առարկաների օգտագործմամբ): Դատարանի որոշմամբ նրանց նկատմամբ որպես խափանման միջոց է ընտրվել նախնական կալանքը: