7 տարբերություն սովորական եւ իմաստուն ծնողի միջեւ

ԼԱՅՖ 13 Փետրվար, 2016 20:29

Մենք բոլորս էլ կարծես թե գիտենք, թե ինչպես է պետք դաստիարակել երեխաներին։ Սակայն ժամանակի, իմաստության ու համբերատարության պակասի հետեւանքով հաճախ սխալ ենք վարվում։ Ահա 7 բան, որոնցով իմաստուն ծնողները տարբերվում են սովորական ծնողներից։ Դրանց առաջին ու գլխավոր կանոնն է՝ մի կտրեք ձեր երեխաների թեւերը, թողեք նրանք թռչել սովորեն։

1. Սովորական ծնողը կարծում է, որ իր ողջ ազատ ժամանակը պետք է երեխային նվիրի: Նա իր հետաքրքրությունները երկրորդ տեղում է դնում: Իմաստուն ծնողը կարողանում է հոգ տանել իր մասին եւ սովորեցնում է երեխաներին հոգ տանել իրենց մասին:

2. Սովորական ծնողը երեխաներին ողողում է նվերներով` իրեն մեղավոր զգալով, որ չի կարողանում բավարար ժամանակ տրամադրել նրան կամ չկարողանալով մերժել նրա խնդրանքը: Իմաստուն ծնողը ամեն օր երեխային գրպանի փող է տալիս, սովորեցնում խնայել, իր համար գնել այնպիսի խաղալիքներ, որոնք ներառված չեն ընտանեկան բյուջեում:

3. Սովորական ծնողը պաշտպանում է իր երեխային եւ ամեն ինչ անում նրա փոխարեն: Իմաստուն ծնողը թույլ է տալիս երեխային սխալներ թույլ տալ եւ նրա հետ միասին քննարկում է այդ սխալները եւ ասում, թե ինչ հետեւություններ նա պետք է անի:

4. Սովորական ծնողը երեկոյան անում է երեխայի տնային առաջադրանքները: Իմաստուն ծնողը սովորեցնում է երեխային պատասխանատվությունն իր վրա վերցնել եւ ինքնուրույն անել սեփական տնային առաջադրանքը:

5. Երեխայի վատ վարքի հետ բախվելիս սովորական ծնողը պայքարում է բուն վարքի հետ` չփնտրելով նման վարքի բուն պատճառը: Իմաստուն ծնողը լսում է երեխային ու հասկանում, թե ինչն է բերել նման վարքի:

6. Սովորական ծնողը թույլ է տալիս երեխային նստել իր գլխին, քանի որ երեխան գլխավոր բանն է, որ ինքն ունի: Իմաստուն ծնողը գիտի, որ ունի իր անձնական տարածքի իրավունք, անձնական գործեր եւ կյանք` առանց երեխայի, նա հարգում է թե իր, թե երեխայի սահմաններն ու իրավունքները:

7. Սովորական ծնողը ցանկանում է արժանավոր մարդ մեծացնել: Իմաստուն ծնողը ցանկանում է մոտ հարաբերություններ ստեղծել երեխայի հետ:

Պատրաստեց Past.am-ը: